Hvað kallast svona ritstíll?

 Brynjar Níelsson lögfræðingur byrjar grein á Pressunni svona:

Hinn 13. febrúar sl. birti kona nokkur, Anne Sibert að nafni, grein í tímariti þar sem hún gat þess m.a. að Íslendingar gætu vel ráðið við fjárskuldbindingar samkvæmt fyrirliggjandi Icesave-samningi. Mér skilst að konan sé prófessor í hagfræði einhvers staðar í útlöndum og sitji í peningastefnunefnd Seðlabanka Íslands á vegum Samfylkingarinnar.

 

Ég þekki konuna ekki neitt en mér fannst svo undarlegt að Brynjar væri í vafa um að hún sé prófessor í hagfræði.  Ég ákvað að "Googla" nafnið hennar og fékk strax þetta:

Anne Sibert, Department of Economics, Mathematics and Statistics, Birkbeck, University of London, Malet Street, London WC1E 7HX. 

London University er ekki "einhversstaðar í útlöndum, hann er í London á Englandi.  Stofnaður 1836, 120 þúsund nemendur takk fyrir.

Hér er lýsing á Önnu á heimasíðu skólans:

Anne Sibert is Professor and Head of the School of Economics, Mathematics and Statistics at Birkbeck College. She is a CEPR Research Fellow and was an Economist at the Board of Governors of the Federal Reserve System in Washington. Her research interests lie in macroeconomics, especially monetary policy. She is a member of the Monetary Policy Committee of the Central Bank of Iceland, and serves on the Panel of Economic and Monetary Experts for the European Parliament's Committee for Economic and Monetary Affairs and the Council of Economic Advisors to the Opposition Front Bench, UK. She has served on the Editorial Boards of several journals and was Associate Editor of the Economic Journal. She earned her PhD in economics at Carnegie-Mellon University in 1982.   Ferilskrá hennar er hér. Greinaskrá er hér. Listi yfir nýlegar greinar um bankakrísu og Ísland:

• The Icesave dispute
• Designing a systemic risk warning system
• Could Greenland be the new Iceland?
• Why did the bankers behave so badly?
• Iceland’s banking collapse: Predicable end and lessons for other vulnerable nations
• The Icelandic banking crisis and what to do about it
• The dangerous protectionism of Barack Obama
• Subprime crisis unfolds: What the Fed should have done instead
• Subprime 'crisis': What Central Bankers should do and why
• The euro’s inflation test

Af hverju titlar Brynjar hana "konu nokkra einhversstaðar í útlöndum?"  Hún er greinilega búin að sanna sig og á betra skilið en að vera uppnefnd "einhver kona einhversstaðar í útlöndum"

 

Orðið yfir svona ritstíl  er "belittling" eða "denigrating" á ensku.  Hvað kallast þannig ritstíll á íslensku?

 

Svo segir Brynjar:

Vel á minnst, hvenær eru skoðanir fræðimanna fræðilegar og hvenær ekki? Eru kannski allar skoðanir fræðimanna fræðilegar? Auðvitað ekki, en þeir kannski halda það?

 

Skoðanir eru ekki fræðilegar ef Brynjar á við orðið sem samheiti yfir "Vísindalegar".  Rökstuðningur við skoðanir getur hins vegar verið fræðilegur.  Ég ætla ekki að fara að alhæfa um alla fræðimenn eins og Brynjar leyfir sér að gera.

 

Athugasemdir

[Finnur Bárðarson, 22.2.2010 kl. 15:50]

Hver er þessi gaur úti í bæ sem kallar sig sjálfan Brynjar og telur sig vera Níelsson

[Birgir Stefáns (IP-tala skráð) 22.2.2010 kl. 16:04]

Ekki kann ég orðið yfir svona framsetningu, en mikið er þetta á lágu plani. Brynjar er maður sem virkilega vill láta taka mark á sér í umræðunni og notar hvert tækifæri sem gefst. Með því að sýna öðrum lítilsvirðingu, þverr annarra viðing fyrir honum sjálfum.

Það eru ansi margir sem falla í þennan fúla pytt og þeim fækkar stöðugt sem mark er á takandi.

[Óskar Þorkelsson, 22.2.2010 kl. 16:42]

svona ritstill er kallaður Davíðismi

[Benedikt Sigurðarson, 22.2.2010 kl. 19:29]

Massív greining Kári.

Gott innlegg - til að hressa upp á orðræðu-siðferðið, og ekki veitir nú af.

Kveðja

Bensi

[Kama Sutra, 22.2.2010 kl. 20:38]

Þetta virðist vera kækur hjá þessum svokallaða Brynjari.  Ef ég man rétt var þessi meinti lögfræðingur líka mjög iðinn við að gera lítið út Evu Joly í fyrra.

Ég nenni samt ekki að fletta þeim greinum upp núna.  Þær hljóta að vera á Gúglinu.

[Eyjólfur (IP-tala skráð) 23.2.2010 kl. 09:17]

Sæll,

 Ágætur pistill hjá þér.  Í þessu argaþrasi sem nú stendur yfir varðandi pólitíkina sem snertir okkur öll svo mikið held ég að við verðum að taka efnið fram yfir formið.  Mér finnst pistillinn hans Brynjars efnislega mjög góður.  Það að hann kryddi skilaboðin með svona stíl finnst mér ekki aðalatriðið. 

[Karl Ólafsson, 23.2.2010 kl. 09:43]

Er ekki orðið yfir þetta 'smjörklípa', sem er nánast samheiti yfir það sem Óskar kallar 'Davíðisma' hér fyrir ofan.

[Kári Harðarson, 23.2.2010 kl. 10:41]

Ég er bara að agnúast út í stílinn, ekki annað sem hann sagði.

[Flosi Kristjánsson, 23.2.2010 kl. 11:12]

Smjörklípan er notuð til að menn verði uppteknir af því að reka af sér skáldaðar ávirðingar, sem gætu verið sannar eins og Jónas frá Hriflu orðaði það (öhö ... það gæti hafa verið satt) og hætti að fjalla um það sem skiptir máli. Ögmundur Jónasson og Steinunn Valdís Óskarsdóttir eru nýjustu iðkendur þeirra íþróttar.

Hin aðferðin hefur verið notuð til þess að gera lítið úr persónum sem halda fram öndverðum sjónarmiðum við okkar eigin. Dæmi um slíkt er oss í Hlaupasamtökum Lýðveldisins ofarlega í huga, og særir sanngirniskennd okkur, en það var þegar ónefndur kennari í viðskipta- og hagfræðideild vogaði sér að hafa aðra skoðun en talin var "rétt" á þeim tíma. Honum var kippt niður á lægra plan með því að nefna hann "einhvern stundakennara úti í Háskóla".

Síðan þá hefur komið á daginn að sýn hans á "fataleysi keisarans" stóðst í öllum helstu atriðum. Nú er að sjá til með konuna í "einhverju háskóla í útlöndum", hversu henni tekst upp í greiningu sinni.

[Ragna Birgisdóttir (IP-tala skráð) 23.2.2010 kl. 11:14]

Það er greinilegt að menn eins og BN hefur eitthvað mikið að fela. Sjáið til.Upp kemur drullan eins og hjá öllum þeim sem hafa farið hér offari í siðgæðisleysinu.

[Gunnar Th. Gunnarsson, 23.2.2010 kl. 12:14]

Það er nú samt þannig að sumir liggja marflatir fyrir titlum, sama af hvaða tagi þeir titlar eru. Sumir eru rosa "svag" fyrir fræðimannstitlum, aðrir aðalstitlum og enn aðrir fá í hnén, bara ef viðkomandi er frægur og er þá nokk sama fyrir hvað.

Er ekki Brynjar bara að benda á að sumir telji "fræðimenn" sérstaklega ef þeir eru útlendir, hafna yfir gagnrýni?

[Kári Harðarson, 23.2.2010 kl. 12:25]

Jú það er mikið til í því.  Ég hefði getað kosið að skilja Brynjar þannig.   Ég vildi samt ekki útiloka að Brynjar væri að segja:

Skiptu þér ekki af þessu kona, þú hefur ekki vit á þessu og svo ertu á launum hjá okkur svo þú hefur fyrirgert tjáningarréttinum.

Ég er mjög viðkvæmur fyrir hvers kyns ritskoðun þessa dagana.

[Ómar Bjarki Kristjánsson, 23.2.2010 kl. 12:28]

Rembustíll.

[Kári Harðarson, 23.2.2010 kl. 12:29]

Ég er sammála Brynjari að fólk getur ekkki tjáð sig um hvað sem er á vinnustað sínum.

Ef ég heyrði flugþjón tala illa um flugöryggi hjá Icelandair yrði ég hissa á framferði hans.

Ef flugvirki gerði það, myndi ég álykta að hann hefði tekið faglega ábyrgð framyfir húsbóndahollustuna og að hann gerði rétt í því.

Þetta er vandmeðfarið...

[Gunnar Th. Gunnarsson, 23.2.2010 kl. 12:37]

... eða að flugvirkinn vilji hefna sín á vinnuveitanda sínum af því hann telur að brotið hafi verið á sér, persónulega

[Magnús Geir Guðmundsson, 23.2.2010 kl. 13:02]

VAnvirða gæti stíllinn kallast, en um leið heldur lítils virði.

[Carlos (IP-tala skráð) 23.2.2010 kl. 16:42]

Það er greinilegt á stílnum, að Brynjar er ekki sammála téðri fræðakonu. Hann hefur þann háttinn á pistlunum sínum að vera með bókstaf laganna og ríkjandi skikkan. Það gerir hann e.t.v. að "advocatus diaboli" enda vanur að verja fólk sem er sakað um glæpi.

Mér finnst hinsvegar ekki góð latína að lesa meira en þetta inn í pistilinn, sérstaklega ekki það að spyrða manninn við "eitthvað mikið" falið, eins og einn athugandinn hér gerir. Þessvegna spyr ég eins og GTG hvort pistillinn sé ekki prýðileg hugvekja frekar en einhver "Stóra bomba"?

Ég hafði það allavega á tilfinningunni, eftir lestur pistilsins, að BN væri að gera aths. við meint óskeikulleik einstaklinga, sérstaklega núna, þegar óvissan um hvað snýr upp og hvað niður fær okkur til að kall eftir óskeikula frelsara í öllum málum.

[Carlos (IP-tala skráð) 23.2.2010 kl. 16:55]

Ætli þetta sé ekki dæmigerður íslenskur úrtölustíll?