Svona lítur árið út í hnotskurn

Smellið á myndina til að sjá hana stærri. 

Á myndinni táknar hver dálkur eina viku í árinu, og hver lína táknar klukkustund í sólarhringnum.

Takið eftir því að um hásumarið eru uþb. sex vikur þar sem sólin skín allan sólahringinn.

Takið líka eftir því að í desember og janúar eru aðeins sex bjartar klukkustundir.

Að síðustu má benda á að vegna þess að sólin á íslandi er einni klukkustund og 15 mínútum á eftir klukkunni er myndin ekki eins að ofan og neðan, það eru fleiri myrkurstundir á myndinni ofanverðri en neðanverðri, og það er það sem málið snýst um.  Eigum við að gera þessa mynd samsíða?

Árið í hnotskurn

 

 

 

 

 

 

 

 

(Myndina bjó ég til úr mörgum heimsóknum á vefmyndvél árið 2002). 


mbl.is Vilja seinka klukkunni
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Matthías Ásgeirsson

Það væri sniðugt að sýna dæmigerðan vinnutíma íslendings á myndinni svo fólk geti séð skörun sólartíma og frítíma.

Matthías Ásgeirsson, 15.12.2010 kl. 13:54

2 Smámynd: Óskar Þorkelsson

magnað.. flott hugmynd hjá þér og enn flottara að gera þetta svona myndrænt.

Óskar Þorkelsson, 15.12.2010 kl. 14:13

3 Smámynd: Hörður Sigurðsson Diego

Þetta er dátlið sniðug mynd og góð hugmynd að baki. Það væri gaman að sjá svona mynd frá fleiri breiddargráðum.

Hörður Sigurðsson Diego, 15.12.2010 kl. 17:45

4 identicon

Þessi mynd er alveg meiriháttar og sýnir svo augljóst hversu öfgafullar andstæður við þurfum að lifa við.

Það breytir hinsvegar ekki því að þetta er ekkert spurning um að hafa þessa mynd samhverfa um báða ása.

Þetta er spurning um hvort við viljum vakna í björtu eða njóta byrtu í frítíma. Um það snýst málið og ekkert annað.

hvað varðar að vakna í björtu, þá sést það mjög greinilega á þessari mynd að um er að ræða 3 vikur að vori og 3 að hausti. Það er allt og sumt.

Hinsvegar varðandi að njóta birtunar og sólarinnar eftir vinnu, þá á það við allt árið nema þá helst í allra svartasta skamdeginu. Þó að yfir há sumarið sé bjart allan sólarhringinn þá nýtur ekki sólar alla nóttina og þá er þetta jafnframt spurning um hvenær dags heitast er.

Þetta snýst í rauninni ekkert um það hvað klukkan er heldur hvernig vinnutíma þorra almennings er háttað. En ég held að það sé flóknara í framkvæmd að færa vinnutíma allra landsmanna en að færa klukkuna sjálfa.

Það er mín skoðun að það felist meiri lífshamingja og lífsgæði í því að fá að njóta sólar, byrtu og yls í frítíma sínum en að fá að vakna til vinnu í björtu 15 morgnum oftar að vori og haust. því ætti ef eitthvað er að seinka klukkunni.

Góðar (bjartar) stundir.

Tumi (IP-tala skráð) 16.12.2010 kl. 10:13

5 identicon

Fallegt. Manni þyngist reyndar aðeins um hjarta að sjá hve sokkin við erum í myrkri akkúrat núna ...

Kristleifur Dadason (IP-tala skráð) 16.12.2010 kl. 12:27

6 identicon

Very nice, I always wanted to see how dark it is during winter. But it seems it just lasts like 1 month, it's not that bad !

Julien (IP-tala skráð) 16.12.2010 kl. 15:30

7 Smámynd: Ágúst Ásgeirsson

Frábær grafískur framsetningarmáti á þessu umdeilda máli. Hef nú ekki beint skoðun á því en get þó sagt að vetrarseinkun klukkunnar hér í Frakklandi gerir það að verkum að hér er niðdimmt á sjöunda tímanum síðdegis. Það finnst mér ókostur hversu snemma dimmir. Hefði kosið óbreytta klukku þótt það hefði þýtt seinni birtu að morgni til. Hér eru flestir hvort eð er á leið til vinnu eða í skóla í morgunmyrki yfir ljósastystu vetrarmánuðina.

Ágúst Ásgeirsson, 18.12.2010 kl. 19:19

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband