Skyggni 2 metrar

Ég fer í sund í Vesturbæjarlauginni.  Einhverra hluta vegna er vatnið þar eins og í Bláa lóninu.  Ég tók myndir með vatnsheldri myndavél (held ég).

Þessi mynd er tekin í grunnu lauginni en ég get varla séð strikið sem er málað á botninn:

 

 

 

 

 

 

 

 

 

 

Nú tek ég mynd út í laug.  Kaðallinn hverfur strax í grámóðuna: 

 

 

 

 

 

 

 

 

 

 

Mér leiðist að synda í svona gruggugu vatni.  Verra er þó að ég held að sundverðir geti ekki séð mann á botninum í gegnum sortann.

 

Athugasemdir

[Lára Stefánsdóttir, 25.8.2007 kl. 13:38]

Það er ekki flókið að týnast í þessari sundlaug!

[Sigurjón, 25.8.2007 kl. 15:05]

Ætli hreinsibúnaðurinn sé í ólagi?

[Kári Harðarson, 25.8.2007 kl. 15:42]

Þetta hefur verið svona í mörg ár.  Ég hef heyrt tvær kenningar:

• Að málningin sé að leysast upp í klórnum og kolsýrunni sem er dælt í laugina.
• Að kolsýran sjálf geri vatnið mjólkurkennt (sódavatn er amk. glært).

Mér vitanlega er ekki vitað hvað veldur þessu.

[Promotor Fidei, 25.8.2007 kl. 16:00]

Gott hjá þér að vekja máls á þessu. Ef það er rétt sem þú segir að erfitt geti verið að sjá í botninn á lauginni þá er heldur betur ástæða til að gera úr þessu mikið mál.

Það þarf að komast til botns í því hvað veldur grugginu, og leysa vandann strax, enda mikið örygissatriði. Það er auðvitað synd ef viðgerðir raska sundrútínu fastagesta í Vesturbæjarlauginni, en nauðsynlegt ef laugin á ekki að vera slysagildra.

Það væri kannski ráð að hnippa aðeins í fréttadeild moggans, til að gera á þessu úttekt?

[Andri Thorstensen (IP-tala skráð) 25.8.2007 kl. 19:04]

Ég heyrði einu sinni að ástæðan fyrir þessu væri sú að Vesturbæjarlaugin væri ekki með varmaskiptabúnað og notaði því [að hluta] jarðhitavatn í laugina í stað þess að nota jarðhitavatnið til að hita upp ferskvatn eins og sé gert í flestum öðrum sundlaugum. 

[Halldór Sigurðsson, 25.8.2007 kl. 22:07]

Hvernig filmu varstu með í vélinni ?
Og var vélin rétt stillt ?

[Þór Sigurðsson, 25.8.2007 kl. 23:08]

Maður veltir því fyrir sér hvort það sé eitthvað meira í vatninu í vesturbæjarlauginni en 'meets the eye' ?

Amk verður mér hugsað til Laugardalslaugarinnar sem ekki er með hreinasta vatnið í bænum, og þó sést vel til botns hvar sem að er gáð...

[Jón Ragnarsson, 29.8.2007 kl. 11:01]

Þessar eru góðar í desktop bakgrunn...