Handbók fyrir konu Þorgríms loksins fáanleg

Ég sá þessa fyrirsögn á blaðsíðu 40 í "Blaðinu" í dag:

 

 

 

 

 

 

 

 

 

Loksins fáum við að læra á konu Þorgríms!

Í alvöru talað held ég að fyrirsögnin hafi átt að vera:  "Kennir karlmönnum á konurnar þeirra".

 

Athugasemdir

[Ásdís Sigurðardóttir, 29.8.2007 kl. 22:50]

Tók einmitt eftir þessu og fannst það bráðfyndið. Þetta er kannski svona einhæf bók, kennir ykkur á konur sem eru eins og hans kona. Annars held ég að reynslan sé besti kennarinn og hver maður verði að læra á sína konu og öfugt.

[Árni Gunnarsson, 30.8.2007 kl. 15:07]

Já Hlynur, eiginlega er nú málsnilldin í fyrirsögninni áhugaverðari en efni fréttarinnar. Reyndar dettur manni oft í hug að þessir blessaðir blaðamenn tali eins og "pabbi sinn!"

[Ívar Jón Arnarson, 30.8.2007 kl. 15:53]

Margar frekar skondnar fyrirsagnirnar í blöðunum.

T.d. birtist ein fyrir nokkrum árum  "(kvenmannsnafn) reið Magnúsi Erni"

Þarna átti náttúrulega að standa að konan væri honum reið :) Man bara ekki hvaða kona átti í hlut þarna. 

[Stebbi (IP-tala skráð) 30.8.2007 kl. 16:19]

Örlæti Þorgríms eru greinilega engin takmörk sett. Hann verður seint sakaður um eigingirni. Vonandi tekur hann þessu bara létt. Það væri hins vegar skemmtilegt, ef hann hefði þessa skondnu fyrirsögn einhvers staðar í bókinni sinni, svona til gamans. Þetta verður örugglega áhugaverð bók.

[Júlíus Valsson, 30.8.2007 kl. 16:27]

Hann virðist greinilega kunna vel á hana! En er þetta nokkuð praktísk nám fyrir okkur hina?

[Bjarni (IP-tala skráð) 30.8.2007 kl. 21:48]

Man eftir fyrirsögn sem var svona, Lyklar týndust á bandi milli hafnarfjarðar og reykjavíkur. Nokkuð langt band ekki satt. Skreið til nígeríu, það má nú misskilja það.

[Einar Indriðason, 30.8.2007 kl. 23:26]

"Árekstur milli Laugarvatns og Apavatns"

[Björn (IP-tala skráð) 31.8.2007 kl. 09:47]

látnir þvo strætó, alger snilld. Loksins hægt að nota þá dauðu í eitthvað!