Þar fór alvöru hetja

Ég hef aldrei límst fastar við bók en þegar ég las "Brött spor" sem lýsir ferð Hillary á tind Everest.  Ég las hana í einum rykk og lagði hana ekki frá mér fyrr en undir morguninn. 

 

 

 

 

 

 

 

 

 

 

Eins og sjá má á Gegni, er bókin ennþá til á öllum bókasöfnum. 

 

--- 

Talandi um afreksmenn, þá er ferð Shackleton til suðurheimsskautsins vel þess virði að kynnast.

 

 

 

 

 

 

 

 

 

 

 

 

Kenneth Branagh leikur í mjög góðri bíómynd um afrekið og ég hef verið á leiðinni að benda sjónvarpinu á að kaupa sýningarrétt á myndinni.

 

Shackleton auglýsti í blöðum eftir þátttakendum í ferðinni: 

"Men wanted for hazardous journey. Small wages. Bitter cold. Long months of complete darkness. Constant danger. Safe return doubtful. Honour and recognition in case of success."

Svona á að auglýsa.

 

 

Edmund Hillary látinn

Athugasemdir

[Bragi (IP-tala skráð) 11.1.2008 kl. 15:33]

E. Hillary var einn mest harðjaxlinn á jarðkúlunni.  Sönn hetja.  Ef þú hefur gaman af fjallabókmenntum ættir þú að lesa Into Thin Air eftir Krakauer.  Æsispennandi lesning fyrir sófaklifrara á öllum stigum.  Hægt að lsea grein sem bókin byggir á hér:

http://outside.away.com/outside/destinations/199609/199609_into_thin_air_1.html 

[Ívar Pálsson, 11.1.2008 kl. 23:53]

Satt, Kári, hann Hillary hafði veruleg áhrif á mann ungan með bók sinni og varð mér hvatning til fjallaferða þótt síðar hafi orðið. Jákvæð afstaða kom honum hvert sem er. Kannski maður kíki á Krakauer sbr. Braga til þess að koma sér síðan af stað.

[Baldvin Kristjánsson, 14.1.2008 kl. 17:07]

Varðandi Shakelton, hefur mér fundist meira varið í menn eins og Friðþjóf Nansen, sem hafði bara sitt á hreinu og kom heill heim, ásamt öllum sínum mannskap. Alltaf. Og var fyrstur til margra hluta.

Var síðan gerður að fyrsta Sendiherra Aþjóðasambandsins. Bjargaði Noregi frá innrás Svía, hundruðum þúsunda úkraínumanna frá hungursdauða og lengi mætti halda áfram.

Norðmenn eru gott dæmi um menn sem kunna til verka, gera hlutina rétt og halda svo áfram með lífið. Bretarnir Shakelton og Scott eru frægir fyrir að vera Englendingar... sem klúðruðu málunum og drápust báðir við það að lokum.

þá vil ég heldur lesa um frækna Norðmenn.