Verðstríð á fjarskiptamarkaði

 

 

 

 

 

 

 

 

 

 

Undanfarið ár hefur verð á netsambandi lækkað um 40% og útlit er fyrir  að lækkanir muni halda áfram.

Nú kostar 4Megabita tenging 2000 krónur á mánuði.

Verðstríðið kemur í kjölfar sambærilegs verðstríðs á farsímamarkaði  þar sem kostnaður á símtölum hefur hrunið niður á stuttum tíma.

Þráðlaust samband upp á 1,5 Megabit kostar núna 1690 krónur á mánuði  en heimasími og 2 Megabit tenging saman í pakka kosta 1990 krónur á mánuði.

Þetta er 33% ódýrara en fyrir einu ári.


PS:  Þetta er því miður ekki íslensk frétt heldur dönsk.  Hér á landi  fara símagjöldin hækkandi.  Maður spyr sig hvers vegna?

 

Athugasemdir

[Steinarr Kr. , 22.1.2008 kl. 20:38]

Ég var næstum búinn að teigja mig í reikninginn, áður en ég kláraði að lesa til að skoða hvað ég væri að borga. Damn.

[Jónas Björgvin Antonsson, 23.1.2008 kl. 00:53]

Ég hugsaði með mér "Hvar hef ég eiginlega verið og hvað hef ég verið að hugsa" þar til ég las síðustu málsgreinina. Þetta gat auðvitað ekki verið íslenskur raunveruleiki. Hann virkar því miður ekki svona.

J#

[Carlos Ferrer (IP-tala skráð) 23.1.2008 kl. 06:42]

Svarið er að finna í námsbókinni "Sjálfstæði Íslendinga 2" eftir Gunnar Karlsson, sem er kennd í 7. bekk grunnskóla í samfélagsfræði, n.t.t. undir liðnum:

Félagsverslun (einokunarverslun). Tiltölulega fáir aðilar fá að versla við Íslendinga á þessum markaði og því setja þeir verðið í friði fyrir samkeppni annars staðar frá. Um leið og verslunin er frjáls, eins og var um stund á t.d. ensku öldinni, má búast við að skrið komist á markaðinn og verð fari að lækka.

[Brjánn Guðjónsson, 23.1.2008 kl. 10:19]

tvöþúsundkall! eitthvað annað en fimmarinn sem Síminnn rukkar fyrir sama hraða. svo ég minnist ekki á GPRS verðið, úff.

[Steinar (IP-tala skráð) 23.1.2008 kl. 19:05]

Þú vonandi gerir þér grein fyrir því hvað kostar að hlaða niður efni í gegnum 3g síman þinn hjá nova.   ´Gagnaflutningur í farsíma er gríðalega dýr og niðurhalið í síman er mun hægara en í gegnum ADSLið ef að 2 eru að hlaða niður bíómynd á sömu GSM selluni (loftnet) þá er hraðinn hrikalegur. 

Skilmálar gullpakka nova eru svona

Gullpakkanum fylgir 100 MB niðurhal á mánuði sem nýtist upp í alla netnotkun. Sjónvarpið í símann, myndbrot kvikmynda á Nova síðunn í símanum og YouTube er frítt til 1. mars 2008 og telst ekki inn í netnotkun eða niðurhal. Greitt er fyrir umframnotkun samkvæmt verðskrá.
umframmegabæt kostar  25 kr.  Ef þú tildæmis ætlar að taka niður bíómynd á síman þinn eru það sirka 700 mb sem þýðir að þú klára strax fyrstu 100mb og þarft að borga fyrir 600 mb.  sem er um 15 þús kall.  + allt efni sem þú notar restina af mánuðnum kostar þig 25 kr per mb.  Vona að þú áttir þig á þessu

[Jóhann F Kristjánsson (IP-tala skráð) 23.1.2008 kl. 20:40]

Sæll Kári.

Hér kemur ein hugsanleg skýring, tekin beint af heimasíðu..

Nafn fyrirtækis: Síminn hf.

Skráning: Síminn hf. er skráð hlutafélag í fyrirtækjaskrá.

Tekjur 2006: 25,030- m.kr.

Hagnaður 2006: 4,606- m.kr.

Þrátt fyrir duglegan niðurskurð ýmissa "óarðbærra" þátta, uppsögn starfsmanna úti á landi ofl. "hagræðingaraðgerða" þá er hagnaðurinn bara 4,6 milljarðar!

Eigum við ekki að geta okkur þess til að fjölbreytt óskyld starfsemi og ríkuleg yfirbygging í Reykjavík éti upp eitthvað af gróðanum?

Síminn þarf því að halda uppi háu verði til að skila eigendum sínum viðunandi afkomu við slíkar aðstæður, og þar sem hann er langstærstur á markaðnum, þá endurspeglar verðið hjá hinum bara gömlu góðu íslensku samvirknina.

[Ingi Björn Sigurðsson, 24.1.2008 kl. 23:47]

hahaha.. ég saup kveljur. Var einmitt að spyrja gamlan samstarfsmann minn hjá símanum hvort það væri ekki rétt hjá að fjarskiptakostnaður allstaðar í heimnum nema hér á landi væri að lækka. Hann sem er sérfræðingur á þessu svo vera, benti þó á það að með tilkomu Nova þá væri veikur möguleiki á lækka fjarskiptakostnað.

[birna, 25.1.2008 kl. 11:06]

Skammastuþín Kári :] ég trúði þér !

[Sverrir (IP-tala skráð) 25.1.2008 kl. 18:27]

Usss, náðir mér þarna :)

[Egill M. Friðriksson, 27.1.2008 kl. 14:26]

Verðið er orðið fáranlegt þegar það er ódýrara að hringja úr heimasíma til Danmerkur en úr GSM síma í annan GSM.