Til fyrirmyndar

Ég hef keypt plokkfisk frá Grími kokki og verið ánægður með hann.  Um daginn keyptum við fiskibollur frá sama fyrirtæki en þær voru þurrar og bragðlitlar.  Ég sendi tölvupóst og lét vita.

 

 

 

 

 

Ég fékk samstundis afsökunarbeiðni og ekki nóg með það, heldur sárabætur; heimsendan kassa á dyrapallinn sem í voru ljúffengar fiskibollur (þeir virðast hafa endurbætt uppskriftina) og sýnishorn af annari framleiðslu fyrirtækisins.

Mér er ljúft og skylt að tilkynna að Grímur kokkur er í náðinni hjá mér.

 

Athugasemdir

[Óskar Þorkelsson, 16.5.2008 kl. 16:02]

topp vörur frá topp fyrirtæki :)

[Einar Indriðason, 16.5.2008 kl. 20:28]

Já, ég get alveg mælt með vörum frá Grími kokki líka.  Ég hef ekki enn (þrátt fyrir "ógurlega mikla neyslu!" (eða þannig)) lent í því að fá vondan fisk frá Grími kokki.

[Haukur Nikulásson, 17.5.2008 kl. 00:24]

Þetta er líka mín reynsla. Kvartaði einu sinni yfir beinum í plokkfiski sem mér þykir góður og þeir tóku kvörtuninni eins og menn. Þetta er fyrirtaks matvælafyrirtæki.

[Brjánn Guðjónsson, 17.5.2008 kl. 09:06]

frábært að heyra!

verst að ég hef ekki hugmynd um hver Grímur kokkur er, eða hans fyrirtæki. væri alveg til í að fá upplýsingar um hann.

[Óskar Þorkelsson, 17.5.2008 kl. 11:09]

Grimur kokkur er í vestmannaeyjum..

http://grimurkokkur.is/

allar hans uppskriftir eru eins og "mamma" hefði gert þær..einfaldar og góðar.

[Anna Ólafsdóttir Björnsson, 17.5.2008 kl. 12:34]

Elska plokkfiskin frá Grími og þakka þér bara fyrir að hafa snúið honum frá villum vega í fiskibollumálum.

[Hafsteinn Viðar Ásgeirsson, 17.5.2008 kl. 13:04]

Ég tel að Grímur kokkur sé víða í náðinni og ekki að ástæðulausu. Margt góðra rétta frá þessu ágæta fyrirtæki og þessi frábæra reynsla þín er ekki til að skemma fyrir þeim...

[Elías Halldór Ágústsson, 17.5.2008 kl. 13:37]

Kannski maður prófi þetta einhvern tímann. Annars er ég mest gefinn fyrir að elda mat úr upprunalegum hráefnum.