Grunsamlegar verðhækkanir

Mannbroddar eða hálkugormar frá Yaktrax kostuðu 2.032 krónur í desember 2007. 

Þeir kosta 19$ á Amazon.  Á genginu 2007 voru það 1.235 krónur.

Miðað við gengið í dag eru það  2.432 krónur.

Þeir kosta 7.000 krónur núna, bæði í Útilíf og Afreksvörum svo innflytjandinn er sennilega búinn að hækka þessa vöru til útsöluaðila.

Álagningin finnst mér grunsamleg.  Hún hefur ekki tvöfaldast eins og dollarinn, heldur meir en þrefaldast.

 

 

 

 

 

 

 

 

 

 

 

Mig vantaði gírkeðju, ég fór í Borgarhjól á Hverfisgötu og fékk hana á 1.500 krónur.  Svo sneri ég við því hulsuna vantaði, hún átti þá líka að kosta 1.500 krónur.  Ég skilaði keðjunni og fór í Örninn.  Þar fékk ég bæði gírkeðju og hulsu fyrir 200 krónur.  

 

 

 

 

 

 

 

 

 

 

 

 

 

Athugasemdir

[Börkur Hrólfsson, 21.12.2009 kl. 23:18]

Ég tók einmitt eftir þessu með hálkugormana. Þeir kostuðu tæplega þrjú þúsund í Brynju rétt fyrir jól í fyrra, gaman að vita hvað þeir kosta þar nú.

Því miður virðist sem margir bregðist við minni sölu með því að hækka verð, svona ,,Orkuveitu snúningur" á neytendum.

[Kári Harðarson, 21.12.2009 kl. 23:25]

Verðið á netsíðunni hjá Afreksvörum er lægra, ég veit ekki hvort verðið er rétt núna.

[Arinbjörn Kúld, 22.12.2009 kl. 00:53]

Menn eru að reyna spila á brenglað verðskyn fólks sem hefur orðið nánast ekki neitt í öllu bullinu undanfarið.

Kveðja að norðan.

[Ágúst Ásgeirsson, 22.12.2009 kl. 16:21]

Eru ekki inni í hærri verðunum alls kyns aukaskattar sem búið er að leggja á alla skapaða hluti; tollar, vörugjöld, tollmeðferargjald, tollseðilsgjald, söluskattur og þar fram eftir götunum, ég veit ekki hvað þetta heitir allt! Svo tek ég undir með höfundi, að milliliðirnir eru náttúturlega líka búnir að maka eitthvað á þetta.

 

[Brjánn Guðjónsson, 23.12.2009 kl. 19:35]

einföld lausn. fólk í ójafnvægi haldi sig innandyra og hinir skríði á svellinu. málið dautt

[Hallgrímur Dan (IP-tala skráð) 18.1.2010 kl. 19:40]

Gormarnir Kosta 5.490 kr í AFREKSVÖRUR EHF

Kostuðu 3.990 kr um Jólin í fyrra...

2007 kostuðu þeir 2590 kr

árið 2007 var evran í 80krónum en 2009 rúmlega 180 krónum, þarf engan snilling til þess að sjá hvaðan hækkunin kemur.