Eyðsla og bensínverð - og Metangas

Fyrir nokkrum árum áttum við bíl sem eyddi 8 á hundraðið og bensínið kostaði 100 kr lítrinn.  Við keyrum 14 þúsund km á ári svo kostnaðurinn var 112 þúsund á ári.

Nú eigum við jeppa sem eyðir 18 á hundraðið og bensínið kostar 180 kr lítrinn svo nýja árseysðlan er 453 þúsund á ári eða 37.750 á mánuði.

Ef við hendum jeppanum (fáum ekkert fyrir hann býst ég við) og kaupum bíl sem eyðir 6 lítrum á hundraðið færi bensínkostnaðurinn niður í 151.200 á ári eða 12.600 á mánuði, sem er sparnaður upp á 25.150 á mánuði.

Afborganir af nýjum bíl væru meira en það og því rekum við jeppann áfram.

Hins vegar gætum við breytt jeppanum fyrir Metangas.  Mér sýnist bretar vera búnir að taka við sér í þessu, og land rover eigendur eru að láta breyta jeppunum sínum þar.

Hér er heimasíða hjá fyrirtæki sem hefur breytt Land Rover jeppum:

http://www.wains-classic-rebuilds.co.uk/

 

 

 

 

 

 

 

 

 

 

 

 

Hér eru almennar upplýsingar um breytingar á bensínbílum:

http://www.autogas.ltd.uk/conversion.htm

Hér á landi er aðeins einn áfyllingarstaður fyrir Metangas.   Mér þykir freistandi að taka áskorun Geirs Haarde og láta breyta jeppanum en á meðan engin stefna er komin frá stjórnvöldum um verð og framboð á metangasi þori ég ekki að slá til.  Mikið vildi ég að stjórnvöld tækju af skarið þarna!

Ef ég gæti fengið afslátt eða styrk til að láta breyta bílnum, eða fengið loforð um fleiri áfyllingarstöðvar væru þetta meira en orðin tóm.

Hér er slóð á fyrirlestur Björns H. Halldórssonar um Metanbíla.

---

Fyrir ykkur sem viljið hugleiða bensínkostnað má hér sjá árlegan kostnað í bensínkaup ef keyrðir eru annars vegar 14 þúsund km á ári og hinsvegar 35 þúsund km á ári.  Dálkarnir eru verð í krónum á lítra en línurnar eru eyðsla í lítrum á hundraðið.

	90	100	110	120	130	140	150	160	170	180	190
5	63.000	70.000	77.000	84.000	91.000	98.000	105.000	112.000	119.000	126.000	133.000
6	75.600	84.000	92.400	100.800	109.200	117.600	126.000	134.400	142.800	151.200	159.600
7	88.200	98.000	107.800	117.600	127.400	137.200	147.000	156.800	166.600	176.400	186.200
8	100.800	112.000	123.200	134.400	145.600	156.800	168.000	179.200	190.400	201.600	212.800
9	113.400	126.000	138.600	151.200	163.800	176.400	189.000	201.600	214.200	226.800	239.400
10	126.000	140.000	154.000	168.000	182.000	196.000	210.000	224.000	238.000	252.000	266.000
11	138.600	154.000	169.400	184.800	200.200	215.600	231.000	246.400	261.800	277.200	292.600
12	151.200	168.000	184.800	201.600	218.400	235.200	252.000	268.800	285.600	302.400	319.200
13	163.800	182.000	200.200	218.400	236.600	254.800	273.000	291.200	309.400	327.600	345.800
14	176.400	196.000	215.600	235.200	254.800	274.400	294.000	313.600	333.200	352.800	372.400
15	189.000	210.000	231.000	252.000	273.000	294.000	315.000	336.000	357.000	378.000	399.000
16	201.600	224.000	246.400	268.800	291.200	313.600	336.000	358.400	380.800	403.200	425.600
17	214.200	238.000	261.800	285.600	309.400	333.200	357.000	380.800	404.600	428.400	452.200
18	226.800	252.000	277.200	302.400	327.600	352.800	378.000	403.200	428.400	453.600	478.800
19	239.400	266.000	292.600	319.200	345.800	372.400	399.000	425.600	452.200	478.800	505.400
20	252.000	280.000	308.000	336.000	364.000	392.000	420.000	448.000	476.000	504.000	532.000
14000	km á ári
	90	100	110	120	130	140	150	160	170	180	190
5	157.500	175.000	192.500	210.000	227.500	245.000	262.500	280.000	297.500	315.000	332.500
6	189.000	210.000	231.000	252.000	273.000	294.000	315.000	336.000	357.000	378.000	399.000
7	220.500	245.000	269.500	294.000	318.500	343.000	367.500	392.000	416.500	441.000	465.500
8	252.000	280.000	308.000	336.000	364.000	392.000	420.000	448.000	476.000	504.000	532.000
9	283.500	315.000	346.500	378.000	409.500	441.000	472.500	504.000	535.500	567.000	598.500
10	315.000	350.000	385.000	420.000	455.000	490.000	525.000	560.000	595.000	630.000	665.000
11	346.500	385.000	423.500	462.000	500.500	539.000	577.500	616.000	654.500	693.000	731.500
12	378.000	420.000	462.000	504.000	546.000	588.000	630.000	672.000	714.000	756.000	798.000
13	409.500	455.000	500.500	546.000	591.500	637.000	682.500	728.000	773.500	819.000	864.500
14	441.000	490.000	539.000	588.000	637.000	686.000	735.000	784.000	833.000	882.000	931.000
15	472.500	525.000	577.500	630.000	682.500	735.000	787.500	840.000	892.500	945.000	997.500
16	504.000	560.000	616.000	672.000	728.000	784.000	840.000	896.000	952.000	1.008.000	1.064.000
17	535.500	595.000	654.500	714.000	773.500	833.000	892.500	952.000	1.011.500	1.071.000	1.130.500
18	567.000	630.000	693.000	756.000	819.000	882.000	945.000	1.008.000	1.071.000	1.134.000	1.197.000
19	598.500	665.000	731.500	798.000	864.500	931.000	997.500	1.064.000	1.130.500	1.197.000	1.263.500
20	630.000	700.000	770.000	840.000	910.000	980.000	1.050.000	1.120.000	1.190.000	1.260.000	1.330.000
35000	km á ári

Athugasemdir

[Carlos Ferrer (IP-tala skráð) 19.6.2008 kl. 18:33]

Ef þú hefðir haft vit á því að eiga díselbíl, hefðirðu geta tekið þér tún á leigu og ráðið bónda til að rækta raps fyrir þig - bíodísel. 1 hektari gerir 1000 lítra.

[Landfari, 19.6.2008 kl. 19:58]

Þetta er nú ekki raunhæft reikningsdæmi hjá þér. Annars vegar að aka um á verðlausri jeppatík og hinsvegar á flunkunýjum bíl. Hverjar hefðu afborganirnar verið af jafn gömlum Yaris og jeppatíkin þín er. Nú eða Skoda. Hann eyðir víst litlu líka.

Einfalt að fá út þá niðurstöðu sem hver vill ef hann hagræðir bara forsendunum. En svo er líka hægt að spara helling með því að keyra minna og hægar.

[Kári Harðarson, 20.6.2008 kl. 09:30]

Bíllinn er kannski verðlaus á markaði, en hann heldur verðgildi sínu 100% hvað varðar slit og endingu.  Einhver þarf að nýta bílinn, er þá ekki eins gott að það sé einhver sem keyrir mjög lítið.?

Mitt verðmætamat þarf heldur ekki að taka mið af verðinu á markaði.   Ég get til dæmis ekki skilað skyrtu sem ég er búinn að rífa úr umbúðunum.  Í búðinni er hún strax orðin verðlaus, en hún er óslitin og því jafn mikils virði og ný skyrta fyrir mér.

Þess vegna er ekki rétt að segja "verðlaus".

Svo er það "jeppatík".  Orðið tík er notað um litla bíla, og það er nú einu sinni kosturinn við þessa eyðslufreku jeppa að þeir eru engar tíkur þegar þeir lenda í árekstri.   Ég hef séð ummerki á slysstað eftir árekstur Volkswagen og Land Rover Discovery.  Jeppinn keyrði burt, þurfti bara að skipta um plastið á stuðaranum.  Fólksvagninn var horfinn upp að framrúðu.

[Kári Harðarson, 20.6.2008 kl. 09:34]

Carlos, við fengum bílinn ódýrt á sínum tíma af því hann var bensín, ekki dísel.  Á þeim tíma kostaði dísel 50 kr og bensín 100 kr.  Þessi munur endurspeglaðist í söluverði jeppanna svo kaupin voru góð í þeim skilningi.  Ég var því alveg sáttur við kaupin.

[Hildigunnur Rúnarsdóttir, 20.6.2008 kl. 09:42]

væntanlega kemur „verðlausi“ jeppinn manni álíka mikið milli staða og glænýi bíllinn úr kassanum. Fáránleg athugasemd.

Reyndar, með öryggi jeppanna, það er stungið svolítið gat á þá mýtu <a href="http://www.gladwell.com/2004/2004_01_12_a_suv.html">hér</a>.  Löng grein, en vel þess virði að þræla sér í gegn.

[Hildigunnur Rúnarsdóttir, 20.6.2008 kl. 09:43]

æi, garg, vitlaus hamur! hér er hægt að smella á þetta.

[Geir Guðmundsson (IP-tala skráð) 22.6.2008 kl. 19:10]

Ég heyrði nýlega viðtal í útvarpi við kennara bílgreina í Borgarholtskóla um breytingar á bensínbílum í metanbíla.  Mér skildist að skólinn tæki að sér að breyta bílum fyrir 150 þús. kr sem er efniskostnaður, en tveggja daga vinna er hluti af námi nemenda um metanbíla.

http://www.bhs.is/skolinn/frettir/nr/393

http://www.bhs.is/bilar/metan.html

Mér skildist að hægt væri að spara um helming í eldnsneytiskostnaði og bensínbíll sem eyðir venjulega um 10 l á 100 km ætti að komast um 200 km á metantankinum.  Þegar fara þarf út fyrir borgina er ýtt á hnapp og bíllinn fer að brenna bensíni eins og hann var hannaður fyrir.  Líka er hægt að breyta díselbílum, en það er flóknara og dýrara. 

Ég er með Toyota Yaris  sem eyðir um 7 - 8 l af bensíni á 100 km í innanbæjarakstri og miðað við 9.000 km árskeyrslu tæki það mig 3 - 4 ár að borga fyrir búnaðinn (ef ég þyrfti bara að borga efniskostnað en ekkert fyrir vinnuna).  Ég held að nær sé fyrir mig að hjóla meira, enda þarf ég nauðsynlega að auka líkamlega hreyfingu.  

[Örn Jónsson (IP-tala skráð) 24.6.2008 kl. 09:29]

Sæll Kári,

Ég hef mikið verið að velta þessu fyrir mér og hef gert nokkrar árangurlausar tilraunir til að panta svona búnað erlendis frá.  Flest fyrirtæki hafa ekki fyrir því að svara einstaklingum.  En miðað við það sé ég hef séð þá kostar svona búnaður ca. 100 - 150þús (hefur líklega hækkað eitthvað eftir gengisfall síðustu daga).

Hér á landi er þó eitt fyrirtæki sem er aðeins að byrja á svona breytingum og það er Vélamiðstöðin.  Ég talaði við þá um daginn og þeir áætluðu kostnað við að breyta meðalbíl yfir í Metan ca. 1.000.000,- ISK !  Við þessi svör datt botninn alveg úr þessu hjá mér og verður líklega ekkert úr breytingum nema ég komist yfir búnaðinn erlendis frá.

En ég er sammála þér hvað það varðar að stjórnvöld þurfa að styðja við svona hluti ef þeir eiga að verða að einhverju.

Láttu mig vita ef þú finnur einhvern sem er til í að selja þér búnað ;-)

[Geir Guðmundsson (IP-tala skráð) 24.6.2008 kl. 13:31]

Árið 2005 var lögum nr. 38 frá 2000 breytt á þann veg að innfluttir metanbílar fá niðurfelldan hluta að vörugjaldi að upphæð 240 þús. kr.  Sjá nánar:  http://www.metan.is/user/cat/show/69/311/

Spurning er hvort ríkið sé ekki tilbúið að styrkja bíleigendur um sömu upphæð ef þeir breyta sínum bílum í metanbíla, eða m.ö.o. að endurgreiða þeim hluta af vörugjaldinu sem þeir eru þegar búnir að borga.

Samstarfskona mín reyndi mikið að kaupa metanbíl frá Heklu fyrir rúmu ári síðan, en Hekla gerði hins vegar allt til að reyna að fá hana ofan af því að kaupa slíkan bíl, þannig að lokum gafst hún upp og keypti sér Toyota Prius.  Ég ræddi þetta einu sinni við Egill Jóhannsson forstjóra Brimborg og hann sagðist alveg skilja Heklu, því þetta er ný tækni fyrir bílaumboðin og bilanatíðni getur verið hærri og þjónustu stig lægra en fyrir venjulega fólksbíla. Fjöldskyldur gera hins vegar sömu kröfur til metan-einkabílsins varðandi áreiðanleika þjónustustig eins og gerðar eru til venjulegra fólksbíla.