Það er ljótt að uppnefna fólk

Gunnar skrifar: "Þess vegna er hún kölluð "kúlulánadrottningin".

• Í fyrsta lagi er ljótt að uppnefna fólk.
• Í öðru lagi á ekki að bera rógburð.

Mig klæjar að segja frá því að ég heyrði gott uppnefni á Gunnar en ég ætla að steinþegja um það áfram.

Er þetta uppbyggilegt?  Er þetta einverjum til góðs?  Eigum við ekki að lyfta þessu á örlítið hærra plan?

 

PS:  Ég veit að fullt af fólki er að blogga uppnefningar og þaðan af verra, en mér sárnar þegar Gunnar gerir það, það er einhvers konar hrós held ég.

 

Segir forstjóra Bankasýslunnar vera kúlulánadrottningu

Athugasemdir

[HT. (IP-tala skráð) 13.1.2010 kl. 16:22]

Önnur hver manneskja á Íslandi er siðlaus, fer ekkert á milli mála og vart hægt að gera neitt raunhæft við því þar sem þetta lið á einnig eftir að geta af sér og þjálfa nýja kynslóð af vafasömum, eigingjörnum og sjálfumglöðum Íslendingum

Ég er þegar búinn að finna lausn á mínum vanda, ég mun fá mér nýjan ríkisborgararétt, og mun þá breyta nafninu mínu í John Smith.  Þá mun ég heimsækja Ísland undir verndarvæng evrópusáttmála - ef mér svo listir.  Losers!

[corvus corax, 13.1.2010 kl. 16:26]

Steingrímur Joð fjármálaráðherra er verndari gjörspilltra embættismanna og bankaglæpahyskis eins og sjá má á því að engar spillingarhreinsanir hafa farið fram innan ríkisbankanna eða gömlu skilanefndarústanna. Þvert á móti eru menn ennþá á súperhæperofurlaunum við að gramsa í rústunum. Og t.d. er umtöluð drottning kennd við kúlur og lán skipuð til ofurlaunaðra starfa í skjóli Steingríms æðstastrumps hjá Vinstri glærum.

[Kári Harðarson, 13.1.2010 kl. 16:39]

Það eru "málefnislegar umræður" á borð við þína, Hr/Frú Corax sem gera að ég tek ekki þátt í umræðu um pólitík eða hrun.  Ég vil ekki fá á mig fýluropa frá fólki sem er ekki í jafnvægi.

Er það kannski tilgangurinn með þessu málæði, að fæla venjulegt fólk frá því að taka þátt í umræðu.

Er það það sem við viljum?

[Kári Harðarson, 13.1.2010 kl. 16:47]

Nú sé ég að pressan er búin að búa til tvær "mini greinar" um blogg Gunnars.   Fyrirsögnin er "ólundarleg".  Það var þá skíturinn sem hægt var að grafa upp, ummæli Gunnars um Elínu.

Djöfulli gengur fram af mér.

[Tómas Waagfjörð, 13.1.2010 kl. 20:22]

Gunnari ferst að tala illa um annað fólk, en það hefur nú tíðkast í gegnum aldirnar að hrópa að öðrum til að draga athyglina frá skítverkum sem menn hafa gert. Virðist vera eina sem þessir stjórnmálamenn geta gert, skíta hvorn annan út og stela peningum.

[Flosi Kristjánsson, 13.1.2010 kl. 22:18]

Fyrst rætt er um uppnefni, þá er ekki úr vegi að rifja upp að góð vinkona mín ein sagði frá því að henni hefði dottið í hug téður Gunnar þegar hún rakst á latneska heitið á hunangsflugunni (the common bumble bee) í bók sem hún las fyrir barnabarnið

[Sigurður Haraldsson, 14.1.2010 kl. 01:30]

Spillingin er hræðileg er í þann mund að leggja landið í rúst og lítið sem ekkert gert í að uppræta hana.

[Þorgeir Ragnarsson (IP-tala skráð) 14.1.2010 kl. 14:03]

"Spillingin er hræðileg er í þann mund að leggja landið í rúst og lítið sem ekkert gert í að uppræta hana."

Þó vitað sé að hér finnist mikil spilling þá skulum við ekki alveg tapa okkur í hysterískum alhæfingum. Landið er ekki að hrynja.

[Sigurjón Sveinsson, 15.1.2010 kl. 13:11]

Mér finnst bara fyndið hvað kúlulán hafa fengið vondan stimpil á sig. Þetta er bara lán!!! Með einum stórum gjalddaga eftir x tíma.

Fáránleg umræða stundum. Það er kannski frekar á hvaða forsendum og með hvaða veðum slík lán eru veitt sem er umdeilanlegt, ekki eðli lánsins sjálfs.

Og svo finnst mér bara, já fyndið, að Gunnar Birgisson skuli vera að taka þátt í umræðu úr einhverju sæti siðapostula. Sá yðar sem syndlaus er.... kasta steini úr glerhúsi.... leiða með fordæmi.... og fleiri orðtæki eru mér ofarlega í huga.

[Kári Harðarson, 15.1.2010 kl. 13:33]

Kúlulán er lán sem á að borga allt í einu eftir X tíma.

Kúlulán Elínar var tekið til að kaupa hlutabréf í fyrirtækinu þar sem hún vann.  Þegar hún hætti þar seldi hún bréfin og borgaði lánið upp.

Þetta er aðferð við að útfæra "stock options" sem ég hef sjálfur tvisvar orðið svo heppinn að fá sem hluta af starfi.  Fyrirtækið sem gaf mér þær "stock options" tók lánið sjálft, ég þurfti ekki að taka það.

Ef lán Elínar væri í vanskilum og því hefði verið velt yfir á skattborgara væri hægt að byrja að skammast.    Hér er þó ekki um það að ræða. Fyrirtækið sem hún vann fyrir er ekki á hausnum. 

Hér er bara verið að taka orðið "kúlulán" og nota það sem níðsyrði.

Mig grunar að nú eigi að kasta skít í alla sem koma nálægt starfi "hruns nefndarinnar" til að hægt verði að draga allar niðurstöður hennar í efa.