Mannvæn gatnamót

Þessi gatnamót eru í New York borg þar sem 16 milljón manns búa.

 

 

 

 

 

 

 

 

Svona gatnamót eru oft troðfull af bílum en þau eru góð af því gangandi vegfarendum er gert jafn hátt undir höfði og ökumönnum.

Hér er andstæðan

 

 

 

 

 

 

 

 

Þarna kemst enginn yfir nema fuglinn fljúgandi.

Á Íslandi höfum við þurft að sætta okkur við ófærar jökulár en það er ekki náttúrulögmál að umferðamannvirki séu ófær öðrum en bílum.  Ef stærri borgir virða rétt gangandi og hjólandi getur Reykjavík það líka.

Athugasemdir

[Anna Runólfsdóttir, 14.3.2007 kl. 22:35]

Já, í New York, sem og fleiri erlendum stórborgum, hafa þeir fyrir löngu áttað sig á því að ef yfir 90% ferða væru farnar á einkabílum (eins og hér í Reykjavík) þá myndi enginn komast neitt. Þess vegna er gangandi og öðrum gert hátt undir höfði, og með því er fólk hvatt til að skilja bílinn eftir heima.

[Kári Harðarson, 15.3.2007 kl. 13:08]

Þorgerður Katrín myndi væntanlega vilja meina að borgarstjórinn í New York neiti þannig að viðurkenna að New York búar hafi valið einkabílinn...

(ég er bara að ganga út frá orðum hennar í eldhúsdagsumræðum í gær).