Frægðin kallar!

Ég mun sjá um þáttinn "Á sumarvegi" á Rás 1, núna á fimmtudaginn, 26.júlí.

Þátturinn verður sendur út kl.1315 og aftur kl.1900 sama dag. 

Ég ákvað að misnota ekki tímann til að segja hlustendum hvað betur mætti fara á eyjunni, heldur reyna að vera svolítið skemmtilegur, spila músík og svoleiðis.  Sigríður Pétursdóttir, sem sér um þættina, sagði að minnsta kosti að sér hefði ekki leiðst að lesa handritið hjá mér.

 

 

Mér datt í hug að ef einhver hefði gaman að blogginu hjá mér gæti sá hinn sami viljað kveikja á útvarpinu.

Kveðja, Kári

 

 

Athugasemdir

[Gísli Sverrisson (IP-tala skráð) 23.7.2007 kl. 20:29]

Sæll Kári.

Hvort verður þetta fimmtudaginn 26.júlí eða föstudaginn 27.júlí?

Nema þú eigir við föstudaginn 26.júlí árið 2013, eða jafnvel 2019?

Bestu kveðjur,

Gísli Sverrisson 

[Kári Harðarson, 23.7.2007 kl. 22:15]

Fimmtudag, fyrirgefðu !

[Gísli (IP-tala skráð) 24.7.2007 kl. 13:32]

Ljómandi, ég uppgötvaði þetta þegar ég reyndi að setja áminningu í símann. Ég mun sumsé hlusta.

Kveðja, Gísli.

[Sigurjón, 24.7.2007 kl. 21:47]

Ég mun kveikja á viðtækinu og hlusta með athygli við vinnuna.

[Ævar Örn Kvaran (IP-tala skráð) 24.7.2007 kl. 22:04]

Aldeilis fínt, maður mun koma til með að hlusta á þetta. Svo er bara að bíða eftir sjónvarpsþættinum :)

[birna, 26.7.2007 kl. 10:58]

en skemmtilegt :] ég set headsettið á mig strax ..

[Tómas Ponzi (IP-tala skráð) 26.7.2007 kl. 16:35]

Kári!  Takk fyrir alveg frábæran, umhugsunarverðan og skemmtilegan sumarþátt.  Þú náðir utanum svo heilmargt mikilvægt í þessum stutta þætti.  Og ekki spillir að þú ert með súper fína útvarpsrödd. Vona að þú verðir á dagskránni fljótlega aftur - þetta var svo skemmtilegt. Kveðja Tómas

[Lana Kolbrún Eddudóttir (IP-tala skráð) 26.7.2007 kl. 20:29]

Jussi Björling, Jaco Pastorius og Zen & the art - við hljótum að hafa verið skilin að í æsku, ég og þú. Velkominn á útvarpið, þú ert einn af þessum natural útvarpsmönnum.

[Einar Indriðason, 26.7.2007 kl. 21:45]

Dang, ég missti af þessum þætti. Kári (eða aðrir), ekki hafið þið hljóðskrá með þessum þætti?

[Lana (IP-tala skráð) 26.7.2007 kl. 22:20]

Þátturinn liggur í hálfan mánuð á ruv.is - undir flipanum "rás 1 í beinni og upptökur".

[Kári Harðarson, 26.7.2007 kl. 22:45]

Kærar þakkir, Tómas og Lana.  Gott þykir mér hrósið :)

[Einar Indriðason, 27.7.2007 kl. 00:49]

Lana, takk.  Fann þáttinn á forsíðunni, undir fyrirsögninni "á sumarvegi", og smellti þar á Kára.

Kári, á eftir að hlusta á þáttinn allan, en byrjar vel... "Jónsbræður" ... :)

[Sigga (IP-tala skráð) 27.7.2007 kl. 12:22]

Það verður hægt að hlusta á þættina í allt sumar á www.ruv.is/sumarvegur ég gerði sérsamning ;) Vona svo að þú takir mig á orðinu Kári með það sem ég nefndi við þig þegar við kvöddumst

[Jón Ragnarsson, 27.7.2007 kl. 15:52]

Haha... hvar fannstu þessa mynd? Ég hef ekki séð þetta síðan ég var krakki í sveitinni...

[Viðar Þorgeirsson (IP-tala skráð) 27.7.2007 kl. 20:49]

Þakka fyrir mjög áhugaverðan og skemmtilegan þátt. Þakka einnig RÚV fyrir að hafa þættina algengilega á netinu fyrir okkur sem gleyma stað og stund.

[Bjarni Bragi Kjartansson, 29.7.2007 kl. 18:00]

Hlustaði áðan á netupptöku, Jussi, Jaco og James! þetta er mannbætandi snilldar kokteill blandaður með hæfilegum skammti af heimspeki og þinni frjóu lífssýn. meira svona, takk  kærlega fyrir mig. 

[Þóra Guðmundsdóttir, 31.7.2007 kl. 01:50]

Þú ættir kannski að fara í framhaldskólana með þessa starfslýsingu tölvunarfræðings það gæti virkað. Ég var meira að segja farin að gæla við það að fara í tölvunarfræði í HR.

[Ýrr (IP-tala skráð) 2.8.2007 kl. 01:17]

Takk fyrir frábært blogg Kári.

 Útvarpsþátturinn var skemmtilegur og bara eitt sem var ekki í lagi...hann var allt of stuttur! Ég vildi heyra meira :)

 Kveðja, Ýrr

p.s. Mæli með tölvunarfræðinni í HR Þóra, endilega skelltu þér!

[birna, 2.8.2007 kl. 10:38]

Kári, ertu nú orðinn svo góður með þig eftir útvarpsþáttinn að þú nennir ekki að blogga ? Eða er farið fyrir þér eins og Ármanni Jakobs : http://skrubaf.blogspot.com/2007/08/blogger-bilaur.html

[Kári Harðarson, 2.8.2007 kl. 14:42]

Nei mín kæra, ég er bara í fríi í útlandinu.  Ég skal blogga smá.

[Morten Lange, 12.8.2007 kl. 16:58]

Mjög skemmtilegt og fræðandi hjá þér, Kári. Ég vona svo sannarlega að þú fáir fleiri þannig tækifæri. Fílaði allan þáttinn, en merkilega nóg   (   ) var ég ánægðastur með það að þú fræddir hlustendur um hjólreiðar.   Frábært sem sagt.

[Morten Lange, 12.8.2007 kl. 17:01]

Hmm. Ætli það væri í lagi fyrir þig að geyma upptökuna á blogginu, og leyfa mönnum að hlusta eftir að búið sé að loka fyrir því hjá  RÚV eftir  nokkrar vikur ?  Ég er búinn  að tryggja mér afrit sjálfur  :-)

[Sigurjón, 15.8.2007 kl. 00:16]

Ég gleymdi vízt að setja inn athugasemd um þáttinn eftir að hafa hlustað á hann.  Þetta var tær snilld hjá þér Kári!  ,,Að nota heyrnartól er eins og að bora í nefið með borvél", er bara snilldarsetning.  Ég vil taka undir þau orð að þátturinn hafi verið of stuttur og ég vildi gjarna heyra meira frá þér, þrátt fyrir að hafa heyrt margt gott á sínum tíma þegar þú kenndir mér.

[Villi Asgeirsson, 21.8.2007 kl. 21:19]

Jón, ég gúgglaði og fanngömlu klukkuna, stillimyndina og RÚV merkið hér: http://www.pembers.freeserve.co.uk/Test-Cards/Non-UK.html#Iceland