Með lögum skal land byggja

Ég gekk um Þingholtin um helgina og sá ólöglega lagða bíla hvert sem litið var.

 

   

 

    

 

   

 

 

 

Þingholtin myndu brenna glatt því oft komast engir slökkviliðsbílar þarna um.

Hjólreiðamenn voru reknir upp á gangstéttar þegar yfirvöld misstu stjórn á einkabílismanum. Þá urðu þessir ólöglega lögðu bílar málefni hjólreiðafólks.  Þeir eru úti um alla Reykjavík. 

Það er ekki pláss á þessum stéttum fyrir gangandi eða hjólandi. Það er tilgangslaust að hringja í lögregluna því hún gerir ekkert. Ég hef oft reynt.

Yfirvöld kjósa að framfylgja ekki lögum því það vantar bílastæði og það er allt í lagi að ganga freklega á rétt hjólandi og gangandi af því þeir skipta engu máli.

Þannig fá þeir sem eru ekki á bíl skýr skilaboð um að þeir séu annars flokks þegnar í þessari Detroit norðursins.

Ég get ekki skilið hvers vegna við setjum lög sem við ætlum okkur ekki að framfylgja. Hvað segir það um löggjafann? Hvað segir það um dómsvaldið?

Af hverju eru sum lög "alvöru" en önnur "bara í plati"? Hvað varð um "Með lögum skal land byggja?"

 

 

Athugasemdir

[Pétur (IP-tala skráð) 22.8.2007 kl. 00:34]

Sæll Kári,

 Ég tók eftir að þú segir að hjólreiðafólk á að vera á gangstéttum.

Af hverju er þá hjólreiðafólk að flækjast fyrir bifreiðum á götum, en þegar það kemur að rauðu ljósi á gatnamótum, vippar það sér upp á gangstétt og fer beint yfir gatnamótin á grænu ljósi fyrir gangandi vegfarendur ?

Af hverju nota gangandi ekki gangbrautir til að fara yfir götu, í stað þess að arka þvert yfir götur hvar sem þeim sýnist ? 

Af hverju ýta gangandi á hnapp fyrir grænt á gangbrautarljósum, en ganga samt strax yfir á rauðu og láta bifreiðar samt stoppa (og tefja þannig umferðina) þegar loksins kemur grænt fyrir gangandi, en viðkomandi er löngu farin/nn yfir götuna ?

Þannig fá þeir sem eru á bíl, skýr skilaboð um (leyfi mér að vitna hér í þig):  "að þeir séu annars flokks þegnar í þessari Detroit norðursins"

Hvað segir þetta um gangandi fólk og hjólreiðafólk ?

Ekki sökkva þér of djúpt í þessar pælingar þínar.  Við erum öll tækifærissinnar. 

[Einar Indriðason, 22.8.2007 kl. 01:31]

Ég ætla rétt að minna á að samkvæmt Njálu, þá er þetta svona:  "Með lögum skal land byggja, en með ólögum eyða".

Annars velkominn á klakann aftur.

[Kári Harðarson, 22.8.2007 kl. 10:40]

Pétur, ég er ekki að áfellast bíleigendur.  Þeir eru tækifærissinnar rétt eins og gangandi og hjólreiðamenn.  Við erum öll álíka illa upp alin.

Ég er að áfellast þá sem eiga að framfylgja settum reglum.  Ég held að bæði hjólreiðamenn og bíleigendur hefðu gott af því að fá aðhald frá Reykjavíkurlögreglunni.  Sektum hjólreiðamenn fyrir aka móti rauðu ljósi!

Ég frábið mér stjórnleysið !

[Kári Harðarson, 22.8.2007 kl. 10:47]

PS:  Pétur, skv. lögum á hjólreiðafólk að vera á götunni, þar hefur bara ekki verið pláss í meira en áratug.

Hjólreiðamenn eru því ekki að brjóta lög ef þeir velja að hjóla í akrein í stað þess að hjóla á gangstétt.  Þeir eru ekki að "flækjast fyrir", heldur eru þeir í fullum rétti.

[Magnús V. Skúlason, 22.8.2007 kl. 11:48]

Ég er þér hjartanlega sammála, fátt fer meira í taugarnar á mér en þurfa að horfa upp á þá sjálfhverfu einstaklinga sem finnst það í góðu lagi að leggja upp á gangstéttum eins og ekkert sé sjálfsagðara. Þetta er svo lýsandi fyrir þá miklu eigingirni sem virðist vera í gangi í þjóðfélaginu í dag!

[Einar Indriðason, 22.8.2007 kl. 12:15]

Það sem pirrar mig samt enn meira, varðandi bíla sem lagt er.  Það er þegar bíl er lagt í fatlað stæði, og út stígur vel þjálfaður (oftar en ekki er þetta Hnakki) aðili.  Sem á það til að pirrast illilega ef honum er bent á þetta.

[Sigurjón, 23.8.2007 kl. 04:27]

Vantar kannske fleiri stöðuverði?

[Óskar Þorkelsson, 23.8.2007 kl. 12:08]

bara draga lykilinn eftir þeim hluta bílsins sem er upp á stétt.. þá er þetta sjálfhætt !

[Sigurjón, 23.8.2007 kl. 23:42]

Nei, það á maður ekki að gera.  Þú refsar ekki lögbrjótum með lögbrotum.  Þetta er ekki villta vestrið maður!