Don't try this at home

Það er freistandi að segja bara að unga fólkið hafi eytt stjórnlaust.  Hitt er svo annað mál að eldri kynslóðin sem selur þeim það sem þau vilja kaupa, smyr vel á.

Þegar ég útskrifaðist úr háskóla í Bandaríkjunum keyptum við strax hús og bíl og vitaskuld keyptum við í matinn í hverri viku.  Allt ungt fólk vill hús, bíl og mat í ísskápinn, ekki satt?

Svona leit dæmið út í Bandaríkjunum 1994:

• Mánaðarlaunin 282 þúsund
• Húsið 8,4 milljónir  (2,5 árslaun)  4.5% óverðtryggt lán
• Nýr VW Passat 1,5 milljónir  (5 mánaðarlaun)
• Viku matarinnkaup 7.500 kr með víni og bjór, bleyjum o.s.frv.  (1/37 úr mánaðarlaunum)
• Bensínlítrinn 19 krónur

Ef ég gerði þessar sömu kröfur til lífsins á íslandi í dag væri ég gjaldþrota.  Svona er staðan í dag:

• Mánaðarlaunin 400 þúsund ef þú ert heppinn
• Húsið 40 milljónir (8,3 árslaun)
• Nýr VW Passat 4 milljónir (10 mánaðarlaun)
• Viku matarinnkaup 25 þúsund (1/16 úr mánaðarlaunum)
• Bensínlítrinn 150 krónur

 

„Alvarlegt hve margt ungt fólk er illa statt“

Athugasemdir

[G. Tómas Gunnarsson, 28.5.2008 kl. 20:44]

Ég hugsa að dæmið hafi breyst nokkuð mikið í Bandaríkjunum sömuleiðis.  Líklega má reikna með að þar sé fólk að kaupa hús fyrir 10 til 20 sinnum árslaunin sín (fyrir utan auðvitað svæðin þar sem engin hefur efni á að búa nema að vinna í "fjárfestingabanka".  Passatinn hefur ekki hækkað hlutfallslega mikið, er ef til vill í 7 til átta "mánaðarlaunum" eða svo matarinnkaup hafa ekkert hækkað hlutfallslega nema að síður sé en allir vita hvernig þetta er með bensínið.  Ætli líterinn í Bandaríkjunum sé ekki u.þ.b. 70 - 80 krónur.

[Valtýr (IP-tala skráð) 29.5.2008 kl. 09:07]

Hvar getur maður fengið hús á 40 millur?

Annars getur ekki verið að heilbrigður maður með 400 þús á mánuði kaupi sér hús/íbúð á 40 milljónir og nýjan bíl fyrir 4 milljónir á sama tíma. Menn þurfa að sníða sér stakk eftir vexti.

Því miður hefur kannski vantað það hjá mörgum undanfarin ár, en ekki bara við unga fólkið að sakast. Man eftir því hverning bankarnir voru með bása í menntaskólunum og ýttu yfirdrætti að óhörnuðum unglingum svo maur talu nú ekki um hverning bankastarfsmenn eltu mann bókstaflega í Þjóðarbókhlöðunni og grátbáðu mann um að taka án.

Svo er hneyksli hvað matur er dýr á Íslandi, matur er eiginlega orðin lúxusvara.

[- grettir (IP-tala skráð) 29.5.2008 kl. 09:50]

Góður pistill eins og oft áður, en það hefur eitthvað ruglast vasareiknirinn í íbúðalána samanburðinum.

Sá sem er með 400 þúsund á mánuði er með 4.8 miljónir á ári og er húsið því 8,3 árslaun að verðgildi. Þetta eiga væntanlega að vera 100 mánaðarlaun.

Maður fær nú ábyggilega ágætis húskofa fyrir 100 árslaun á þessum mánaðarlaunum

[Kári Harðarson, 29.5.2008 kl. 11:44]

úps, 100 árslaun eru það ekki!  Ég breyti færslunni

[Sverrir (IP-tala skráð) 30.5.2008 kl. 10:17]

Valtýr þú getur t.d. litið á Reykjanesbæ og önnur nágrannabæjarfélög höfuðborgarsvæðisins. :)

[Kári Harðarson, 13.6.2008 kl. 06:56]

Aldrei þessu vant hefur ágætlega borgað sig að spara.  Innlánsvextir eru háir og gjaldeyrisreikningarnir okkar hafa líka staðið sig vel.

Það er samt ótrúlega lífseig hjátrú að spara ekki.  Okkur var sagt að taka öll lán sem í boði væru þegar við fluttum heim því það borgaði sig alltaf að skulda.