Hvers virði er krónan?

1,1% er ekki fréttnæmt.  Ég er ekki frá því að ég hafi sjálfur styrkst um 1% í nótt en ég er ekkert að básúna það við vini og vandamenn.

Varðandi gengið á krónunni: hér er verðið á Evru frá upphafi (grafið er frá www.m5.is):

 

 

 

Myndin talar sínu máli.   Evran er svo fokdýr að engin fordæmi eru fyrir öðru eins.

Geir Haarde sagði að krónan væri of lágt skráð.  Það væri gaman að trúa því en ég hef ekki skilið rökin fyrir fullyrðingunni.  Er fullyrðingin bara barlómur, eins og þegar einhver segist vera með of lág laun? 

Við trúum á frjálshyggju hér á landi síðast þegar ég vissi.  Er það ekki markaðurinn sem ákveður verðið á krónunni?  Af hverju er sjálfsagt að nýja verðið á evrunni sé frávik en ekki nýtt og rétt verð sem endurspeglar afleiðingar gjörða okkar?

Krónan styrkist um 1,1%

Athugasemdir

[Geir Guðmundsson (IP-tala skráð) 25.6.2008 kl. 15:19]

Þegar Evran var ný kom núverandi Seðlabankastjóri, Davíð Oddson, þáverandi forsætisráðherra, fram í sjónvarpinu og spáði því að evran væri svo lélegur gjaldmiðill að þess væri ekki langt að bíða að dollarinn færi langt fram úr henni.

Ekki gleyma því að frá árámótum 98/99, og til dagsinis í dag, hefur íslenska krónan fallið um 65,7 % gagnavart vörum, þjónustu og húsnæði hér á landi.  Það jafngildir á þessu 102 mánaða tímabili verðbólgu um 6,12% á ársgrundvelli að jafnaði.  Munur á evru í dag og þá er lægri en hækkun verðlags á sama tíma.

Hefðir þú slegið lán með jöfnum afborgunum í evrum um ármótin 98/99, þá væri mánaðarleg afborgun í dag lægri en afbogun af jafnstóru, verðtryggðu íslensku láni til jafnlangs tíma, sem bæri sömu vexti.  Reyndar er ólíklegt að þú hefðir getað fengið íslenskt lán með sömu vöxtum og erlent lán í evrum.  

Það er hins vegar nýlega sem evran hefur hækkað svona mikið, svo allan tíman hefðir þú getað lagt inn mismuninn á afborgununum inn á verðtryggðan íslenskan reikning, eða gjaldeyrisreiking og ættir í dag umtalsverða upphæð.  

[Ármann Gylfason (IP-tala skráð) 25.6.2008 kl. 23:23]

Sæll Kári

Frjálshyggja hefur aldrei verið sterka hlið sjálfstæðisflokksins. Tökum sem dæmi stóriðjustefnuna, sem er klárlega enn á dagskrá, þar sem stjórnmálamenn telja sig þurfa að lokka verksmiðjur hingað með ódýru rafmagni til að skaffa nokkur hundruð manns vinnu. Væri ekki nær að skapa hagstætt viðskiptaumhverfi á landinu, með afnámi verðtryggingar - stöðugum gjaldmiðli - lægri aðflutningsgjöldum osf? Er þetta ekki svolítið Sovéskt?

Hvers vegna fá fyrirtæki á borð Rio Tinto og Alcoa dúndrandi fyrirgreiðslu kostaða af skattgreiðendum á meðan Marel, Össur, Actavís ekki?

Þú verður að leita á landsfundi annara flokka en Sjálfstæðismanna til að finna frjálshyggjuna...

[Gunnar Rögnvaldsson, 26.6.2008 kl. 06:25]

Þegar Evran var ný kom núverandi Seðlabankastjóri, Davíð Oddson, þáverandi forsætisráðherra, fram í sjónvarpinu og spáði því að evran væri svo lélegur gjaldmiðill að þess væri ekki langt að bíða að dollarinn færi langt fram úr henni.

Já og hann hafði hárrétt fyrir sér. Hún féll meira en 30%.

BBC 25. október 2000

-----------------------------------------

BBC: The euro has now lost nearly 30% of its value against the dollar since it was launched in January 1999.

It is also more than one cent below the level at which the world's leading central banks intervened to prop it up. The euro's fall on Wednesday dragged down the Swiss Franc as well, which slipped to a 14-year low against the dollar. And as the euro weakened against the dollar, it plunged to a lifetime low against the Japanese yen as well, worth just 89.29 yen.

Ben Strauss, a currency trader at Bank Julius Baer in New York said sentiment towards the euro was "totally negative", adding that nobody wanted to hold any European currencies now

-----------------------------------------

Ónýtir gjaldmiðlar

-----------------------------------------

Af hverju ætti evra að vera "betri" gjaldmiðill en hver annar annar gjaldmiðill?? Halda allir að hún sé GALDRAPAPPÍR ? (© 2008 Hans Haraldsson).

Gjaldmiðlar sveiflast alltaf innbyrðis og fólk kvartar ekki á meðan það "græðir". Þá er þögn, svona eins og þegar gefið er á garðann og á meðan munnar jórtra. Íslendingar gleymdu greinilega alveg að hlusta á kvartið og kveinið í Evrópubúum þarna á fallárum evru.

Það verða alltaf holur í veginum.

[Kári Harðarson, 26.6.2008 kl. 10:52]

Ég er ekkert yfir mig hrifinn af evrunni umfram aðrar myntir, en 40% sveifla á verði krónunnar segir mér að tími hennar sé liðinn.

Evran er kannski ekki betri en hver annar gjaldmiðill en Krónan er verri en flest allir gjaldmiðlar.

Annars var upphaflega spurningin mín þessi: Geir Haarde fullyrti að nýja verðgildi krónunnar væri frávik frá "réttu verði hennar".  Af hverju getur hann fullyrt það?

[Regina Hardardottir (IP-tala skráð) 26.6.2008 kl. 11:34]

Eg vann i utanrikisthjonustunni a arunum 1971-1973 og greiddi ad sjalfsogdu i Lifeyrissjod starfsmanna rikisins.  Thad sem var dregid af laununum minum a thessu timabili var talsverdur peningur og eg var ekki satt vid thennan fradratt.  Eg reyndi meira ad segja ad fa upphaedina endurgreidda thegar eg haetti i utanrikisthjonustunni.  Thad var ad sjalfsogdu ekki haegt, eg yrdi ju ad hafa eitthvad til ad lifa af thegar thar ad kaemi.

Eg spurdist nylega fyrir um lifeyrisrettindi hja sjodnum og fekk ad vita ad eg mundi fa 12 kr. a manudi fra 67 ara aldri til daudadags.   Mer var sagt ad thetta vaeri overdtryggdur rettur. 

Ef thid haldid ad astandid se slaemt i dag, tha hefur thad verid verra.

[Carlos Ferrer (IP-tala skráð) 26.6.2008 kl. 14:29]

Man enginn hér eftir því þegar dollarinn stóð í um  120 krónum og evran í um 100? Misræmi milli dollars og evru er s.s. ekkert nýtt og getur m.a. skýrst af stríðsrekstri BNA manna í Austurlöndum nær.  Það er að mínu viti vís passi að gengi dollars eigi eftir að hækka til muna þegar og ef þeir kalla hersveitir sínar heim. Hvar verður krónan þá?

[Carlos Ferrer (IP-tala skráð) 26.6.2008 kl. 14:37]

Þetta gengi á dollar sem ég nefndi var frá miðju ári 2001 - miðs árs 2002. Á sama tíma var evran 95 - 105 kr.

Hvað olli lágu gengi krónunnar þá? Hvert var olíuverðið - vel innan við 100 krónurnar, staðhæfi ég. Fasteignaverðið hefur hækkað um 100% síðan þá, af hverju er það ekki dregið inn í dæmið? Getur verið að við höfum sjálf látið eins og fífl með neyslu okkar og súpum seyðið af því núna? Að þetta hafi ekkert með gengið að gera í sjálfu sér?

[Gunnar Rögnvaldsson, 26.6.2008 kl. 14:54]

Eins og þá erum við öll stödd í verstu alþjóða fjármálakreppu heimsins síðan 1930.

Seðlabanki Íslands á hrós skilið fyrir að vinna vel undir þessum kringumstæðum. Menn eiga eftir að skilja það seinna. Það er ekki hægt að segja annað en að það séu undur og stórmerki að krónan skuli hafa haldið þetta vel undir eftirtöldum kringumstæðum:

1) Íslendingar kynna nýjan gjaldmiðil fyrir umheiminum. Kynning hans er í umsjá alþjóðavæddum fjármálageira Íslands. Síðast þegar þetta skeði í Evrópu þá var það evra sem var kynnt fyrir umheiminum og hún féll álíka mikið eða yfir 30% án nokkurra sýnilegra framfara, ávinninga, aukinna fjárfestinga eða framkvæmda.

2) Heill nýr atvinnuvegur Íslendinga leit dagsins ljós, sem er alþjóðavæddur fjármálageiri og sem skilaði fyrsta íslenska fyrirtækinu innná NASDAQ-OMX-100 listann - þ.e. Kaupþing Banki er núna eitt af 100 stærstu fyrirtækjum á þessum lista.

3) Stærsta fjárfesting Íslandssögunnar fór fram.

4) Alþjóðlegt lánsfé var ódýrara en nokkurntíma áður síðan krónan var sett frjálst fljótandi.

5) Svæsin alþjóðleg hráefna- og matvælaverðbólga hefur ríkt núna í tvö ár.

Þetta er all nokkuð nokkuð afrek hjá Seðlabanka Íslands að halda utanum allt þetta án þess að ver hafi farið. En traust gjaldmiðla er langhlaup og ekki spretthlaup. Eftir þessa kreppu mun krónan verða HERT KRÓNA. Það er augljóst.

[Sigurjón, 2.7.2008 kl. 03:08]

Ég tek undir með Gunnari, Regínu og Carlosi.  Þetta er ekkert svo slæmt ástand og það mun ekki vara lengi.  Við þurfum bara aðeins að spara við okkur...