Fuglagarg og blómafýla

Ég er aftur kominn til Frakklands.  Ég hjóla í vinnuna eftir merktum hjólaleiðum og læt ilm af blómum, nýbökuðu brauði og ilmvatni á leiðinni gera mig meyran.

Borgarbúar Rennes eyða sínum sveiflulausu Evrum gegndarlaust í blóma- skreytingar meðfram vegum, skraut á húsmæna og málningu þótt húsin séu ekki orðin almennilega þakin veggjakroti eða flögnuð af þeim málningin.

Náttúran bruðlar með gjafir sínar til kvennanna sem ganga berleggjaðar og mittisgrannar í tísku sem hlýtur að hafa kostað eitthvað.  Af hverju geta þær ekki verið hraustlegar með ístru undir flíspeysum fyrir aftan barnavagna um táningsaldurinn eins og heima?

Í stuttu máli er ég í góðu skapi því hér er alltaf sama helvítis blíðan, fuglagarg og blómafýla*.

Ég ætla að blogga stutt og sjaldan á næstunni og reyna að fylgjast sem minnst með fréttum frá Íslandi því áhyggjur af afleiðingum óráðsíunnar eru slítandi og tímafrekar.

    Kveðja, Kári

 

 

* Tilvitnun frá Sigurði Rúnari Sæmundssyni

 

Athugasemdir

[Benedikt Sigurðarson, 9.9.2008 kl. 08:45]

Góður Kári.

Njótið dvalar og umgjarðar í Frakklandinu - - og hvílið ykkur einmitt frá fáránleika hins íslenska veruleika í stjórnmálum og viðskiptalífi.

Kveðjur til ykkar frá okkur frú Helgu og Týru. (Við erum svona um það bil að sleppa okkur endanlega í samanburðar-kapphlaupi íslendingsins við bygginguna á Krókeyrarnöf 2 - sem er einmitt að komast undir þak í vikunni).

[Óskar Þorkelsson, 9.9.2008 kl. 11:18]

æi hvað þú átt gott Kári :)  hafðu það sem best í france

[Ragnhildur Þórðardóttir, 10.9.2008 kl. 14:41]

Ég er sjálf í niðursveiflu eins og íslenska hagkerfið, eftir að hafa átt yndislega dvöl um liðna helgi í höfuðstað þeirra Fransmanna, Paris, mon cherie.  Að koma hingað heim í lægsta gengi og mestu verðbólgu í manna minnum er nóg til að koma af stað niðurfallssýki í hvaða bjartsýniskvikindi sem er. 

[Steinarr Kr. , 10.9.2008 kl. 20:53]

Það var nú gaman að pistlunum þínum síðast þegar þú varst þarna.  Væri ekki verra að fá nýjan skammt.

[Carlos Ferrer (IP-tala skráð) 10.9.2008 kl. 22:49]

Je veux t'joindre!

[Lára Hanna Einarsdóttir, 11.9.2008 kl. 21:05]

Je veux t'joindre aussi!

[Hildigunnur Rúnarsdóttir, 11.9.2008 kl. 21:06]

barnavagnar um táningsaldur?

[Guðrún Markúsdóttir, 14.9.2008 kl. 14:09]

Dásamlegt! Vildi líka að ég væri þarna!

[Birgir Jóakimsson (IP-tala skráð) 18.9.2008 kl. 23:40]

Oui - la vie est belle þarna hjá þér… greinilega!

En hér á Fróni eru allir að tala um að allt sé að fara fjandans til… 

… jafnvel að fólk þurfi að selja annað hjólhýsið… gallinn er samt

að það er enginn til að kaupa. Fasteignir seljast alls ekki etc.

En við erum að fara til Berlínar ekki á morgun heldur eftir viku.

Þar ætlum við öll að bæta okkur. Tekurru ekki bara lestina til okkar?

kv,

BIggi Joakims

[Nanna Katrín Kristjánsdóttir, 19.9.2008 kl. 11:02]

Saell Kari; thad vildi svo otrulega skemmtilega til ad synir okkar, jafngamlir, lentu i sama bekk og skola i Rennes.  Thad eru liklega meiri likur a ad vinna i lotto.  Allavega eg heiti Nanna og er nagranni thinn her, langadi bara ad kynna mig ef strakarnir koma til med ad vera meira saman.

[Kári Harðarson, 19.9.2008 kl. 13:55]

Sæl Nanna, hafðu endilega samband.

Við flytjum á 8 Rue de Psalette, bak við kirkjuna í kvöld, verðum semsé í miðbænum eftirleiðis.

Síminn hjá mér er [phone] og hjá Kjartani 06 79 19 62 99.  Við verðum í Rennes á morgun laugardag, förum á markaðinn og fleira huggulegt.

Sjáðu hvort þú getur ekki skotist í kaffi.

Kveðja, Kári

[Nanna Katrín Kristjánsdóttir, 19.9.2008 kl. 13:59]

Já hitti strákana einmitt í hádeginu og Kjartan sagði mér að þið væruð að flytja.  Ætlaði einmitt á markaðinn á morgun, svo við sjáumst örugglega þar, þeir voru líka eitthvað að tala um að kíkja í bíó saman fljótlega.

Kveðja Nanna

[Kjartan Pétur Sigurðsson, 24.9.2008 kl. 11:19]

Frakkland er í miklu uppáhaldi hjá mér til að ferðast í. Er búinn að fara margar ferðir þangað og þá sérstaklega sunnan til í landinu. Verið þar á fljótabát, flogið svifdreka og tekið mikið af flottum myndum.

Hvernig er þetta er allt hugsandi fólk að flytja af landi brott?

... og þá líklega erlent "hámenntað" vinnuafl inn til landsins í staðin?

[Egill M. Friðriksson, 29.9.2008 kl. 23:57]

Hvernig er það. Ertu alveg fluttur til Frakklands eða bara tímabundið?

[Kári Harðarson, 30.9.2008 kl. 13:59]

Sæll Egill,

Nei, við komum aftur í janúar, því miður, liggur mér við að segja!