Gott borgarhjól

Hjólið á myndinni er með koltrefjareim í stað keðju svo engin smurning kemur í buxnaskálmar og ekkert viðhald er nauðsynlegt.  Gírarnir eru 8 og innvortis og eiga að vera viðhaldsfríir.  Bremsurnar eru diskabremsur bæði framan og aftan  svo ekki þarf að stilla þær.  Þetta er mikilvægt fyrir venjulegt fólk því hjól sem seld eru hvað mest á Íslandi þurfa óvenju mikið viðhald.

Svo fylgja alvöru bretti og hægt er að setja bögglabera á hjólið.  Dekkin eru slétt, næstum mynsturslaus enda rúlla þau mun betur en ef þau væru grófmynstruð.

 

 

 

 

 

 

 

 

 

 

 

 

Hjólið heitir Soho og er frá Trek.   Svona útfærsla ætti að vera algengari á götum Reykjavíkur, hún hentar mun betur en fjallahjólin - þetta er ekki í fyrsta skipti sem ég hef orð á þessu en mér blöskrar hvað hjólabúðirnar okkar kaupa mikið inn af fjallahjólum þótt fæstir ætli upp á fjöll.

 

Athugasemdir

[Óskar Þorkelsson, 2.7.2009 kl. 01:19]

Þetta er hjól sem ég gæti hugsað mér.. hvað helduru að svona gripur kosti á klakanum ?

[Óskar Þorkelsson, 2.7.2009 kl. 01:19]

afsakið ég sá verðið á linknum.. sirka 1000 dollara.

[Jón Ragnarsson, 2.7.2009 kl. 09:57]

Ég hef tekið eftir því að ég nota 4 gíra í 90%+ tilfella á mínu hjóli. Fremri tannhjólin eru sjaldan notuð. Ég hef líka sett slétt(ari) og mjórri dekk undir mitt hjól, þar sem ég fer afar sjaldan út af malbiki.

[birna, 2.7.2009 kl. 10:05]

kúl hjól, og takk fyrir síðast

[Hákon Hrafn (IP-tala skráð) 2.7.2009 kl. 11:29]

Örninn tók inn nokkur Soho hjól í fyrra sem öll seldust. Tóku engin svona hjól núna enda er verðið á þessu hærra heldur en venjulegt fólk er tilbúið að borga fyrir hjól. Gleymum ekki að ríkið undir stjórn Vg tekur inn 10% toll af þessu vistvæna farartæki.

[Einar Indriðason, 2.7.2009 kl. 11:56]

Eitt sem ég sé á myndinni, sem ég myndi vilja breyta... Hafa stýrið hærra.  Svona lágt stýri, þá situr maður soldið hokinn.  Ég vil frekar vera uppréttari sjálfur....

En flott hjól, samt.  Dýrt, en flott.

[Baldur Fjölnisson, 2.7.2009 kl. 17:54]

Þetta virðist vera hálfgert barnahjól þar sem þeir bjóða það í mest 25" (28" nánast skylda ef þú ert 175 cm. eða hærri) en annars nokkuð skynsamleg útfærsla fyrir borgarhjólreiðar.

[Óskar Þorkelsson, 2.7.2009 kl. 18:00]

Ég sé að Örninn er með Soho á síðunni hjá sér á tæpar 180þ .

[Rafn Haraldur Sigurðsson (IP-tala skráð) 2.7.2009 kl. 18:07]

Átti reimdrifið Bens hjól fyrir nokkrum árum.

Á afturhjólinu voru svona flapsar sem þrýstust út í reimina til að halda henni strekktri. Það var líka 8 gíra. Flapsarnir slitnuðu og hjólið fór að spóla og þurfti að skipta um þá á þriggja mánaða fresti . Bens umboðið á Skúlagötu var með þessi hjól. Á meðan hjólið var í ábyrgð skiptu þeir um þessa flapsa fyrir mig og sá Örninn um það fyrir þá. Þegar að ábyrgðin rann út vildu þeir ekkert við mig tala meira og fór ég þá fram á að skila hjólinu. Eftir skamman tíma komumst við svo að samkomulagi að þeir borguðu 80% af andvirði hjólsins og tóku það til sín. Held þeir hafi hætt að flytja þau inn eftir þetta.

Eftir þetta hef ég eingöngu verið með keðjudrifin hjól.

kveðja Rafn.

[Guðni Ólason, 2.7.2009 kl. 18:48]

Eitt við öll þessi hjól, og á líklega við þetta líka: Af hverju alltaf þessi AFTURENDAMORÐÓÐU sæti!! Hef bara aldrei getað skilið það. Mér finnst gaman að hjóla og allt það, en verð alltaf að kaupa mér almennileg sæti á þessi kvekindi. Á kannske ekki að sitja á þeim, eða hvað????

[Baldur Fjölnisson, 2.7.2009 kl. 19:16]

Jamm, nákvæmlega.

Ég böðlaðist sjálfur árum saman um gangstéttirnar á 26" torfæruhjóli sem var hannað fyrir 1) torfærur og óvegi og 2) fólk sem er fremur smávaxið. Þetta grey var nú orðið heldur lasburða í vor og tók því varla lengur að púkka upp á það og var ég þá svo heppinn að því var stolið. Núna þeysi ég um bæinn á 28" hjóli með 7 gírum og það er demparalaust að framan og með grönnum og nánast sléttum dekkjum og ég hef núna miklu meiri yfirferð en áður með miklu minni áreynslu. Og það er stór og breiður hnakkur á þessu hjóli sem ekki borast upp í rassgatið á manni.

[Kári Harðarson, 2.7.2009 kl. 21:49]

Svona hjól á að kosta 70 þúsund.  Ef það er dýrara, er eitthvað að landinu sem maður býr í.  Úps...

[Óskar Þorkelsson, 2.7.2009 kl. 22:21]

það kostar 1000 dollara í USA.. þumalfingursreglan er *2 svo.. þetta er ekkert óvenjulegt verð.. ísland er bara svona ;)

[Baldur Fjölnisson, 2.7.2009 kl. 22:36]

Gott reiðhjól ætti að vera nánast einnota og kosta þetta tops 30-50 þúsund. Eftir árið ættirðu að hafa val um að henda því eða gefa það og kaupa annað.

[, 3.7.2009 kl. 00:13]

Flott hjól en ég er sammála athugasemdinni um stýrið - af hverju er ekki hægt að fá hjól þar sem maður situr í nokkuð eðlilegri stöðu? Draumahjólið væri "dömureiðhjól" með breiðu sæti og háu stýri, fáum gírum og mjóum dekkjum.

[Óskar Þorkelsson, 3.7.2009 kl. 00:55]

það er auðvelt að hækka stýrið ;)

[Magnús Oddsson (IP-tala skráð) 9.7.2009 kl. 07:01]

Guðjón,

 Ég bý erlendis og hef notað rafmagnshjól í 3 ár.  Þetta er frábært farartæki, hljóðlátt viðhaldsfrítt og smýgur í gegnum stórborgarumferðina.

Það er gjörsamlega galið að skv. íslenskum skilgreiningum flokkast rafmagnshjól sem bifhjól og fer því í sama flokk og farartæki sem getur verið tugir hestafla.  Stjórnvöld á Íslandi ættu að hampa þessum farartækjum sem nota innlenda orku og kosta okkur þarf af leiðandi ekki gjaldeyri.  Hér þarf að fella niður tolla og gera fólki kleift að nota rafmagnshjól þegar venjulegt reiðhjól dugar ekki alveg til.

Hver fer annars með þessi mál?  Samgöngumálaráðuneyti eða Fjármálaráðuneyti?

magnuso

[Einar Jón, 10.7.2009 kl. 16:52]

Dagný: Markið seldi Kettler dömuhjól með háu stýri, breiðum hnakk og 7 gíra inni í öxlinum. Ég finn þau ekki á vefsíðunni núna, en þeir hafa umboðið.

DBS er með svipuð hjól, en þau hafa ekki verið seld á íslandi lengi.

[Morten Lange, 15.7.2009 kl. 23:35]

Góður pistill og góðar umræður.      :-)