Vatn !

Ég var í Kringlunni áðan en sá hvergi vatnshana í grennd (þeir eru kannski einhversstaðar).

• Daginn áður var ég í Háskólabíó en eina leiðin til að fá vatn var að standa í biðröð og ónáða sjoppufólkið.
• Sömu sögu er að segja í Smárabíó.
• Sömu sögu í Leifsstöð, hvergi vatn að hafa.

Þetta var ekki vandamál á meðan hægt var að nota vaska á klósettum en núna eru þeir oftast með forblönduðu volgu vatni.

Í Bandaríkjunum eru iðulega vatnsfontar á opinberum stöðum, en þeir eru sjaldgæfir hér.  Það er skrýtið því við erum alltaf að tala um vatnsgæðin hér.

Ég vil leggja til að sett verði í lög að almenningur skuli hafa greiðan aðgang að vatni á almenningsstöðum og minnka þannig umhverfissóðalega sölu á vatni í plastflöskum.

 

Áður en ég trufla heilbrigðisráðherra með þessari uppástungu, hvað finnst ykkur?

Athugasemdir

[Ólafur Eiríksson, 10.9.2009 kl. 18:23]

Hljómar vel.

[Lára Hanna Einarsdóttir, 10.9.2009 kl. 20:11]

Ég styð þessa tillögu heilshugar. Ennþá eigum við vatnið og ættum ekki að þurfa að borga fyrir það.

[Börkur Hrólfsson, 10.9.2009 kl. 20:19]

Auðvitað ætti að vera gott aðgengi að FRÍU drykkjarvatni á öllum almenningsstöðum.

Að selja drykkjarvatn á flöskum finnst mér vera út í hött, hér þar sem við eigum meira en nóg af besta vatni í heimi.

Mér finnst það jaðra við föðurlandssvik að selja Íslendingum drykkjarvatn í flöskum !

[Eggert Vébjörnsson (IP-tala skráð) 10.9.2009 kl. 20:22]

Sammála Kári!

Þetta er útí hött að það sé hvergi hægt að nálgast drykkjarvatn.

[Birgitta Jónsdóttir, 10.9.2009 kl. 20:46]

Algerlega sammála

[Hörður Ólafsson (IP-tala skráð) 10.9.2009 kl. 23:10]

Ég fór með syni mínum fyrr í kvöld á Söngvaseið í Borgarleikhúsinu. Stórgóð sýning sem ég mæli með.

 Í hlé var gott aðgengi að glösum og könnum með ísköldu vatni, gott hjá þeim.

[Brjánn Guðjónsson, 10.9.2009 kl. 23:14]

hjartanlega sammála þér Kári

[Ingibjörg Magnúsdóttir, 11.9.2009 kl. 00:02]

Hæ, ég kannast við svona vatnsskort. En af hverju eiga yfirvöld að þjóna þér með þessu? Þú átt sjálfur að hafa með þér fulla vatnsflösku þegar þú ferð á stjá í verslunarferðir og annað stúss innanbæjar sem utan. Ég lærði á þetta fyrir mörgum árum: taka með sér vatn á flösku, því enginn þjónustar mann með slíku. En líklega er það breytt í dag. En samtþ: taka með sér sitt eigið vatn þótt það volgni á fartinni.

En það er annað sem mig langar að koma að í þessu sambandi: væri ekki sniðugt fyrir veitingastaði og sjoppur að hafa vatn á flöskum til sölu fyrir fólk á faraldsfæti? Og sérstaklega þá sem gleymdu flöskunum sínum heima (á ekki við um túrista).

Eitt er það líka sem mig langar til að benda á: í ársbyrjun 2005 þurfti ég að leita til Læknavaktarinnar í Kópavoginum. Ég kom þangað með yfir 38 stiga hita og þurfti að bíða lengi. Þarna niðri eru nokkrir skyndibitaveitingastaðir, þar á meðal ísbúð.

Ég gat ekki með nokkru móti fengið einn tebolla til kaups á öllu þessu svæði, til að halda á mér til hita á meðan ég beið eftir að komast til læknis á Læknavaktinni þarna. Það var hægt að kaupa sér ískaldan ís þarna og eitthvað annað, en fáir staðir voru opnir þarna, enda fyrsti opnunardagur eftir nýárið. Ansi lélegt.

 Held að íslenskir veitingastaðir eigi eftir að læra mikilvæti þess að hafa vatn á flöskum og te í bolloum á aðgengilegum boðstólum. 

[Egill M. Friðriksson, 11.9.2009 kl. 10:04]

Sniðuh hugmynd. Væri líka til í að sjá vatnsfonta á leikvöllum í Reykjavík sem eru oftast á skólalóðum. Fótboltavellir eru orðnir mjög algengir þessum lóðum og eru þeir notaðir bæði yfir skólatímann sem og á kvöldin.

[Kári Harðarson, 11.9.2009 kl. 10:23]

Ingibjörg skrifaði:

En af hverju eiga yfirvöld að þjóna þér með þessu? Þú átt sjálfur að hafa með þér fulla vatnsflösku þegar þú ferð á stjá í verslunarferðir og annað stúss innanbæjar sem utan.

Ég vil ekki að yfirvöld geri neitt annað en að setja þá reglu að fólk á almenningsstöðum verði að hafa aðgang að rennandi vatni, rétt eins og það verður að vera klósett aðstaða eða inngangur fyrir fatlaða.  Það má ekki meina fólki um aðgang að drykkjarvatni.

Ef þú ert inni á lokuðu svæði, eins og í bíó eða Leifsstöð og allir vatnskranar á klósettum eru með rennandi heitt vatn, þá er eitthvað að.  Mig grunar að eigendur þannig staða séu að reyna að auka sölu á gosi.  Þetta er það sem ég vil koma í veg fyrir.

Uppsetning á vatnsfontum á vegum borgarinnar er reyndar góð hugmynd líka.  Hvernig væri að hanna fallegan íslenskan drykkjarfont  sem væri settur upp í skólum og sundstöðum?

[Sigurður Þór Guðjónsson, 11.9.2009 kl. 11:35]

Það er reyndar misskilningur, ein af íslensku goðsögnunum,  að við eigum besta vatn í heimi. Íslenskt vatn er talið fremur lútarkennt  miðað við alþjóðlega staðla og rannsóknir hafa sýnt að það er ekki alltaf hreint og ómengað.

[Ingibjörg Stefánsdóttir, 11.9.2009 kl. 14:27]

Frábær hugmynd. Eini gallinn frá sjónarhóli ríkisins væri væntanlega sá að þetta myndi minnka sölu gosdrykkja og þar með skatttekjur. Á móti kæmi hins vegar minni kostnaður vegna heilbrigðisþjónustu og tannlækninga.

[Rebbi rófulausi (IP-tala skráð) 11.9.2009 kl. 14:50]

Hárrétt sem Sigurður Þór segir. Hreina vatnið á Íslandi er kjaftæði. Það vita það allir sem það vilja vita, að t.d. legionella-bakterían hefur sest að í vatnsveitukerfi Reykjavíkur og fer ekkert þaðan úr þessu. Við erum hinsvegar flest komin með mikið þol gagnvart þeim aðskotaefnum, sem í íslensku vatnsveituvatni eru. Hefur eitthvert ykkar séð þegar menn eru að sulla í sama skurðinum að tengja saman neysluvatnslagnir og skolplagnir og "allt flæðir um allt"? Erlendum gestum okkar þykir hinsvegar með ólíkindum að hér skuli ekki vera hægt að fá ódýrt drykkjarvatn keypt í verslunum, heldur er það fokdýrt, nær eingöngu vatn með kolsýru og skattlagt að auki með sérstökum sykurskatti! Eruð þið hissa á þótt það ferðafólk, sem kemur með Norröna hafi vatnið með sér á flöskum?