Hefðir

Ef ég setti son minn og eiginkonu í kerru og rúllaði þeim á undan mér  niður Laugaveginn myndi fólk í fyrsta lagi segja að ég væri  stórskrýtinn, svo myndi það hugsa:  af hverju labbar fullfrískt fólkið  ekki sjálft í stað þess að láta hann ýta sér?

 

 

 

 

 

 

 

 

 

 

Ef ég sest líka upp í kerruna og læt mótór ýta okkur öllum er þetta  allt í einu ekkert skrýtið lengur...

Mér datt þetta sísona í hug á Laugaveginum í gær.

 

Athugasemdir

[Júlíus Valsson, 29.4.2007 kl. 22:28]

Sestu sjálfur í kerruna og láttu fjölskylduna rúlla þér niður Laugaveginn. Þá sést hver er húsbóndinn á þínu heimili.  Ekkert skrýtið við það athæfi.

[Jónas Björgvin Antonsson, 30.4.2007 kl. 00:14]

Ég keyrði einmitt framhjá þér á Laugarveginum í gær og tók eftir því að þú varst með myndavél um hálsinn. Datt fyrst í hug að þú værir að prófa að upplifa borgina frá sjónarhóli erlenda ferðamannsins. Sé núna að gangan hefur fætt af sér frjóar hugmyndir ;-)

J#

[Magnús Bergsson, 30.4.2007 kl. 02:23]

Ég sigldi einu sinni með með manni sem sagðist vanur því að aka með konu sína í bæinn þegar henni datt í hug að rápa á milli verslana við Laugaveginn. Þá sleppti hann henni út utan við þá verslun sem hún fór fyrst í, ók síðan Laugaveg á enda, síðan Hverfisgötu og aftur inn á Laugaveg. Þannig malaði bílinn hring eftir hring því hann nennti ekki að labba með henni. Stundum vildi svo "heppileg til" að hann gat pikkað hana upp á rápi milli verslana og “sparað” henni sporin. Þess skal getið að hvorug voru líkamlega fötluð....
Fyrir svona umferð er því miður verið að réttlæta byggingu mislægra gatnamóta sem svo aftur bitnar á mikilvægari samfélagsþjónustu. Á sama tíma kvarta menn yfir háu eldsneytisverði.  Ég held að það sé komin tími til að hækka verðið.

[Sigurjón, 30.4.2007 kl. 11:30]

Rétt hjá þér Kári.  Leti er stórt heilbrigðisvandamál sem vert er að leysa.

[birna, 2.5.2007 kl. 11:08]

Hahaha, skemmtilegt sjónarhorn. Sagt er að íslendingar noti bíla í staðin fyrir úlpu.

[Steinarr Kr. , 7.5.2007 kl. 13:02]

Sástu nokkuð fjallajeppa á 44"?  Þeir eru alltaf jafn hlægilegir í þessu umhverfi.