Sjálfstætt fólk

Stefna Norður Kóreu grundvallast á sjálfstæðishugsjóninni, sem heitir Juche.  Grunnhugmyndirnar eru þessar:

• Þjóðin verður að vera sjálfstæð í hugsun og stjórnmálum, sjálfri sér nóg fjárhagslega og fær um að verja sig.
• Stefna ríkisstjórnarinnar verður að endurspegla vilja og metnað fjöldans.
• Uppbygging verður að taka mið af þörfum og aðstæðum landsins.
• Fólkið í landinu verður að menntast í góðum kommúnisma.

Einnig er tilgreint að flokknum skuli sýnd tilhlýðileg hollusta.

Mér sýnast nýjustu kjarnorkutilraunirnar vera í samræmi við þessa grunnstefnu.  Það er heillandi hvað Norður Kóreumenn eru hliðhollir sjálfstæði í sinni tærustu mynd.

Nú spyr ég mig samt hvar mörkin liggja milli sjálfstæðis og einangrunarstefnu.  Er það merki um veikleika að vera í bandalagi með öðrum þjóðum?  leyfi ég mér að spyrja.

Samt má segja eins og Kim-Il Sung:  Það er gott að búa í Pyongyang !

N-Kórea heldur áfram tilraunum

Athugasemdir

[Björn (IP-tala skráð) 26.5.2009 kl. 16:02]

He he. Nett samlíking þetta. Þetta eru mjög viðeigandi vangaveltur í okkar samhengi.

[Óskar Þorkelsson, 26.5.2009 kl. 17:08]

:) góður

[Hjörtur J. Guðmundsson, 26.5.2009 kl. 18:12]

Samvinna við önnur ríki er eitt, samruni við þau er talsvert annað.

[Egill M. Friðriksson, 26.5.2009 kl. 18:47]

"Samvinna við önnur ríki er eitt, samruni við þau er talsvert annað."

Það eru þá nýjar fréttir fyrir okkur öll ef að 27 aðildaríki ESB eru eitt ríki.

[Einnar línu speki, 26.5.2009 kl. 19:39]

Ég vissi ekki að Ítalía og Frakkland væru sama ríkið...

[Óskar Þorkelsson, 26.5.2009 kl. 20:16]

nei Hjörtur er fullur af allskonar visku sem við hin skiljum ekki...

[Bjarki (IP-tala skráð) 26.5.2009 kl. 22:02]

Eins og við vitum þá eru öll lönd heimsins fyrir utan N-Kóreu og Ísland í ESB.

[Þór Jóhannesson, 27.5.2009 kl. 01:42]

Það er gott að búa í Kópavogi....