Sumarbústaður úr ull

Mongólska Yurt tjaldið hefur hýst fólk á steppum Mongólíu þó nokkuð lengi og þar getur orðið býsna kalt og hvasst.  Þess vegna grunar mig að þessi tjöld geti átt vel við hér.

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Þau eru einangruð með ull, og við eigum nóg af henni.  Þeir sem vilja ekki kaupa fellihýsi eða tjaldvagn gætu viljað smíða sér svona tjald.  Ég veit af einu svona á Íslandi, á bæ fyrir norðan Borgarvirki í V.Hún, en það er stærra, notað til að hýsa morgunverðargesti í bændagistingu.

Það er ekki tjaldað til einnar nætur, það þarf að koma með tjaldið á kerru og menn eru 2 klst að tjalda.  Á móti kemur að þá er kominn meiri bústaður, viðargólf og kamína.

Hefur einhver reynslusögur af þessum tjöldum?

Hér eru upplýsingar um tjöldin frá fyrirtæki á vesturströnd Bandaríkjanna sem framleiðir útgáfur af þeim.

 

 

Athugasemdir

[Daníel (IP-tala skráð) 4.12.2009 kl. 11:33]

Ekki nema það að ég hef komið í svona tjald einu sinni, í ágúst árið 2000 í Mongólíu. Þá var gott veður úti og því reyndi ekkert á það hversu vel tjaldið einangrar. En mér líst mun betur á þetta frekar en tjaldvagn.

[Sigurjón, 4.12.2009 kl. 19:43]

Sæll Kári.

Ef ég man rétt, er einmitt svona tjald notað til að hýsa gistingu á Seyðisfirði.  Ég hvet þig til að fletta því upp á gúgglinu...

Kv. Sigurjón

[Úrsúla Jünemann, 5.12.2009 kl. 16:56]

Þetta er mjög athyglisvert. Miklu meira "kósí" en ofurstórir sumarbústaðir sem eru nákvæmlega eins og fólk hefur það heima hjá sér.

[Ólafur í Hvarfi (IP-tala skráð) 7.12.2009 kl. 17:27]

Verð að játa að maður fer í draumkennt ásand að ímynda sér eitt slíkt í garðinum og geta lætt sér þangað til hvíldar og einbeitingar.  Búinn að búkkmarka, takk fyri ábendinguna.