Dýr myndi tankurinn allur...

Ég nota hreinsað bensín til að þrífa bletti.

Ég bað um hreinsað bensín hjá Lyfju Smáratorgi.  Þar kostaði það 298  kr. fyrir 100 ml. eða 2980 kr. lítrinn.

Ég gat keypt hreinsað bensín útí málningavörubúð í Danmörku fyrir  miklu minna.  Ég spurðist því aðeins fyrir.

Það kemur í ljós að Besta hf. í Ármúla 23 vill fá 350 kr. fyrir 500  ml.  Þar gerir 700 kr. lítrinn.  Lyfja er því rúmlega fjórfalt dýrari.

 

 

 

 

 

 

 

 

 

 

Og þá vitið þið það.

Athugasemdir

[Björn (IP-tala skráð) 4.9.2007 kl. 13:53]

Þetta er það sem við almenningur þurfum að gera miklu meira af. Spyrjast fyrir og gera verðkannanir og í framhaldi af því kaupa vöru/þjónustu sem okkur hentar best.

Það er nefnilega merkilegt að á meðan við kvörtum yfir peningaleysi þá höfum við í raun enga stjórn á útgjöldunum. Ég læt eitt ördæmi fylgja með þessu til staðfestingar. Ég var á Spáni í ágúst. Ekki var hægt að taka innkaupakerru við stórmarkað nema "borga" fyrir hana hálfa eða eina evru. Peninginn fékk ég tilbaka þegar ég skilaði kerrunni. Einn frændi konu minnar vann fyrir nokkrum árum hjá Smáralind sem einhverskonar bílastæðavörður. Hans helsta tekjulind var að hirða kerrur út um tvist og bast en á þeim tíma var reynt að "lána" kerrur gegn 100 kr skilagjaldi. Hann hafði um 10.000 kr. uppúr krafsinu á meðaldegi! Fólk hirti ekki um 100 kallinn! Mér skilst að Hagkaup hafi gefist upp á tilrauninni

[Frímann (IP-tala skráð) 5.9.2007 kl. 19:07]

Það er hægt að kaupa hreinsað bensín hjá olíufélögunum t.d. hjá gamla Esso hét þetta BSP Eldsneyti á Katyl ofna 4 lítrar á ca: 700 til 1000 kall. 

[Dísa (IP-tala skráð) 7.9.2007 kl. 05:32]

Ég hef mjög gaman af því að lesa bloggið þitt héðan frá californíu.. en hvað segiru? Hvernig notar þú bensín á bletti?? Hvaða bletti þá helst??

Kveðjur, Dísa

[Kári Harðarson, 7.9.2007 kl. 09:37]

Það er helst tyggjóblettir en líka för eftir gúmmískó á parketti, kertavax, vaxlitir..