Lögbrjótar á fínum bílum

 

Þessi mynd birtist á visi.is og sýnir bíla fyrir utan stjórnarfund 365 miðla ehf.

 

 

 

 

 

 

 

 

 

 

 

Þarna eru umferðarreglur brotnar, bílarnir eru uppá kanti þar sem er bannað að leggja.  Fyrirtækið er í skólahverfi og þarna þurfa börnin að troðast á milli.

Þetta minnir mig á ökumenn diplómatabíla frá sumum þjóðum sem safna umferðarsektum og borga þær aldrei.

Hafa ökumenn gefið sér að þeir væru hafnir yfir lög?  Ef svo er, þá erum við uppi á Sturlungaöld.

 

 

Athugasemdir

[Pétur Þór Ragnarsson (IP-tala skráð) 6.9.2007 kl. 13:33]

Svona er með öllu óþolandi. Þessir sömu aðiliar, sem ég fæ ekki betur séð en að séu allir á rúmlega 10 milljón króna bílum trompast síðan ef það er rekist utan í þetta eða ef þetta rispast.

Þeir geta þá bara sjálfum sér um kennt. Tillitsemi við aðra samborgara er nákvæmlega engin.  

[Úrsúla Jünemann, 6.9.2007 kl. 14:42]

Óþolandi, Þessi "bílamenning" hér á landi. Ég hef stundum sett athugasemdir undir rúðuþurrkarann á þessu fína fólki. Þegar maður er gangandi eða hjólandi er gott að hafa nokkra miða tilbúna.

[Óskar Þorkelsson, 6.9.2007 kl. 17:27]

húslykillinn virkar fínt á svona dót 

[Georg P Sveinbjörnsson, 6.9.2007 kl. 20:59]

Hef orðið verulega var við það í umferðinni að eftir því sem menn eru á dýrari og flottari bílum, þeim mun meira eykst frekja þeirra og yfirgangur, eru oft komnir alveg í rassgatið á manni trylltir af óþolinmæði yfir því að maður sé að dóla sér á löglegum hraða, lendi nær eingöngu í þessu með rándýrar flottræfils drossíur...hvernig sem stendur á því.

[Sigurjón, 8.9.2007 kl. 00:30]

Það er reyndar fátt skemmtilegra en einmitt að dóla sér á undan svona liði.  Ég geri mér far um það...