Hvenær drepur maður mann?

Í morgun ætlaði ég á bílnum en hann fór ekki í gang.  Hann var dauður enda hef ég hjólað uppá síðkastið og því ekki notað hann.  Ég hjólaði í vinnuna og það var í góðu lagi.

Á leiðinni datt mér samt í hug hvað þetta væri bagalegt, að loksins þegar ég þyrfti að nota bílinn væri hann ónothæfur af því ég hefði ekki verið að nota hann.

Þá datt mér í hug að snúa þessu við:  hvernig væri ef ég ætlaði að nota líkamann, en hann væri dauður þegar til ætti að taka, af því hann hefur staðið svo lengi ónotaður?

Þá er betra að koma bílnum ekki í gang...

 

Athugasemdir

[Ásgeir Kristinn Lárusson, 29.1.2008 kl. 10:31]

Gang-virkur og gagn-virkur ;)

[Lára Hanna Einarsdóttir, 29.1.2008 kl. 10:43]

Þetta ýtir við kyrrsetukonu... 

[Guðrún Markúsdóttir, 29.1.2008 kl. 11:24]

Fáðu þér Ford, hann fer alltaf í gang!

[Pétur (IP-tala skráð) 29.1.2008 kl. 13:44]

Ullarnærföt og flíshúfa, undir hjálminum og hjólreiðarnar verða að skemmtilegri útiveru og hagnýtum ferðamáta á þessum árstíma. 

[Lára Hanna Einarsdóttir, 29.1.2008 kl. 13:47]

Skiptið þið um dekk á hjólunum í svona færð? Er til eitthvað sem heitir vetrardekk á reiðhjól?

[Kári Harðarson, 29.1.2008 kl. 13:52]

Ég er með nagladekk frá Nokian í Finnlandi, þau fást oft í Erninum og Markinu.

Þau eru rosalega góð, gera allan gæfumuninn.