Heimsborgarar bragðast best

Í gær sá konan mín að hún hafði gleymt gemsanum sínum á hótelherbergi  í Brussel þar sem hún var að vinna fyrir Evrópusambandið í síðustu  viku.

Hún hringdi á hótelið og bað afgreiðslufólkið að senda gemsann til  vinkonu sinnar í Danmörku.

Hún er að fara í aðra vinnuferð þangað eftir tvær vikur og sækir  gemsann í leiðinni.

Ég spurði strax:  Af hverju léstu ekki senda hann til Íslands, hann  yrði kominn eftir nokkra daga?

Hún svaraði: "Nei, það yrði svo mikið vesen.  Ég myndi þurfa að borga  aðflutningsgjöld og toll eða reyna að sanna að ég ætti hann".

Þetta svar hennar sýnir mér, að Berlínarmúrinn okkar er  enn á sínum stað.  Atlantshafið er okkar Berlínarmúr.

Hann hefur gefið stjórnvöldum hér afsökun til að halda landinu lokuðu,  hvað sem hver segir.  Reynið bara að panta varahlut í golfkerruna  ykkar - eða ostbita.

Þótt bankar hafi hagnast á frjálsum viðskiptum eru þau ekki komin til okkar hinna.

Athugasemdir

[Geir Ágústsson, 5.6.2007 kl. 21:32]

Töfra"lausnin" á þessu vandamáli er samt, að mati margra, að Íslandi gangi í Evrópusambandið í stað þess að Ísland felli bara niður þessa tolla og aðflutningsgjöld og hvað það heitir. Ef vilji er fyrir því að gera það, af hverju þá ekki bara að gera það án milliliðanna í Brussel til að segja okkur að gera það?

[Mundi (IP-tala skráð) 8.6.2007 kl. 13:11]

Hverjum dytti í hug að panta varahlut í ostbita?

Og Geir hér að ofan: heyr heyr! (rímar líka við Geir) 

[Kári Harðarson, 9.6.2007 kl. 01:30]

Nei, ég meinti ostbita í golfkerruna !

[Sigurjón, 12.6.2007 kl. 21:58]

Satt og rétt.  Niður með þessa tolla!